მიშელ მუსხელის ინსტიტუტი
მიშელ მუსხელი (1903-1964) ეროვნებით ქართველი (მიხეილ მუსხელიშვილი) მეცნიერი, იურისტი, პოლიტიკოსი და ფრანგული პოლიტოლოგიის სკოლის ერთ-ერთი გამოჩენილი წარმომადგენლი იყო. იგი სიცოცხლის ბოლომდე სტრასბურგის უნივერსიტეტში მოღვაწეობდა, თუმცა პერიოდულად ლექციებს კითულობდა აშშ-ის, გერმანიის, შვეიცარიისა და ეგვიპტის უნივერსიტეტებშიც. მისი სამეცნიერო-კვლევითი და აკადემიური საქმიანობა ძირითადად მიმართული იყო გაერთიანებული ევროპის შექმნისა და შემდგომი განვითარებისათვის საჭირო სამართლებრივი ბაზისა და პოლიტიკური შეხედულებების ჩამოყალიბებისა და ანალიზისაკენ.
მიშელ მუსხელი ევროპელი ფედერალისტების კავშირის წევრი იყო. იგი ევროკავშირის ერთ-ერთი ფუძემდებელია. დიდია მისი წვლილი ევროპული ინტეგრაციის საქმეში როგორც სამართლის, ისე საერთაშორისო ურთიერთობებისა და პოლიტიკის მიმართულებით.
მიშელ მუსხელის ინსტიტუტი მიზნად ისახავს მიშელ მუსხელის ქართული საზოგადოებისათვის გაცნობას, მისი ნაშრომების თარგმნასა და გამოცემას. ამასთან ერთად, ინსტიტუტის მიზნებია:
- სამეცნიერო-პრაქტიკული კვლევების ხელშეწყობა და სწავლების გაფართოება ევროკავშირის სამართლისა და პოლიტიკის, ზოგადად ევროპისმცოდნეობის მიმართულებით;
- უნივერსიტეტის ფარგლებში კვლევითი და საგანმანათლებლო პროცესების ეფექტიანად წარმართვის საერთაშორისო სტანდარტების დანერგვის ხელშეწყობა;
- კვლევითი, საგანმანათლებლო-საკონსულტაციო და საექსპერტო საქმიანობის განხორციელება;
- საქართველოს ევროინტეგრაციის პროცესების ხელშეწყობა.
ინსტიტუტის დირექტორი -ასოცირებული პროფესორი გვანცა გუგეშაშვილი
საკონტაქტო ინფორმაცია:
- ელ.ფოსტა: gvantsa.gugeshashvili@sabauni.edu.ge
- ტელ.: +995 32 242 22 42
- მის.: კ.ქუთათელაძის N3
- სულხან-საბა ორბელიანის უნივერსიტეტი