ფაკულტეტის შესახებ
სულხან-საბა ორბელიანის უნივერსიტეტის ბიზნესისა და ტექნოლოგიების ფაკულტეტის პროგრამები აგებულია ევროპის წამყვანი უნივერსიტეტების პროგრამების მოდელებზე.
ფაკულტეტის გუნდი დაკომპლექტებულია:
- ბიზნესისა და ტექნოლოგიების სფეროს წამყვანი პროფესორ-მასწავლებლებით და
- წარმატებული ბიზნეს კომპანიების მენეჯერებით.
რაც მთავარია, პროგრამა სთავაზობს თანამედროვე, სტუდენტზე ორიენტირებულ სწავლის მეთოდებს.
ბიზნესისა და ტექნოლოგიების ფაკულტეტის სტუდენტები ეუფლებიან ბიზნესისა და ტექნოლოგიების ძირითად პრინციპებს, სწავლობენ ბიზნესის ენას, გამოიმუშავებენ ბაზარზე ორიენტირებულ ხედვას ბიზნეს პროცესებთან დაკავშირებით.
ჩვენს კურსდამთავრებულებს გააჩნიათ ყველა საჭირო უნარ-ჩვევა და შესაბამისი განათლება, რომელიც ზრდის კონკურენტუნარიანობას დასაქმების ბაზარზე.
ფაკულტეტი სტუდენტებს სთავაზობს თანამედროვე სტანდარტების შესაბამის საბაკალავრო და სამაგისტრო პროგრამებს ქართულ და ინგლისურ ენებზე, რომლებიც დაკომპლექტებულია როგორც ადგილობრივი და უცხოელი მაღალკვალიფიციური პროფესორებით, ასევე პრაქტიკოსი სპეციალისტებით, რომელთაც ზურგს უმაგრებს რამდენიმეწლიანი სამუშაო გამოცდილება წამყვანი კომპანიების მაღალი რგოლის მენეჯმენტის პოზიციებზე. პროგრამები საშუალებას აძლევს სტუდენტებს უპასუხონ თანამედროვე ბიზნესგარემოს გამოწვევებს და ხელს უწყობს მათ საკუთარი კარიერის დაგეგმვასა და განვითარებაში.
ბიზნესისა და ტექნოლოგიების ფაკულტეტზე 4 მოქმედი პროგრამაა:
- ბიზნესის ადმინისტრირების ქართულენოვანი საბაკალავრო პროგრამა
- ბიზნესის ადმინისტრირების ინგლისურენოვანი საბაკალავრო პროგრმა
- ტურიზმის საბაკალავრო პროგრამა
- ბიზნესის ადმინისტრირების სამაგისტრო პროგრამა
- ადამიანური რესურსების მართვის სამაგისტრო პროგრამა
საბაკალავრო თუ სამაგისტრო პროგრამების გავლისას ჩვენს სტუდენტებს უვითარებდათ ყველა ის უნარ-ჩვევა და კომპეტენცია, რაც სწრაფად ცვალებადი ბიზნეს გარემოსა და დასაქმების ბაზრის მოთხოვნებს შეესაბამება. სტუდენტებს საშუალება აქვთ პრაქტიკა და სტაჟირება გაიარონ საჯარო სტრუქტურებსა თუ წარმატებულ კომპანიებში სტუდენტის არჩვევანისა და სურვილის გათვალისწინებით. ამით ვუზრუნველვყოფთ მათ კონკურენტუნარიანობას შრომის ბაზარზე (იხილეთ პარტნიორები).
რაც მთავარია, ჩვენს სტუდენტებს აქვთ ფუფუნება ისწავლონ ევროპაში წამყვან უნივერსიტეტებში (იტალია, საფრანგეთი, ესპანეთი, პოლონეთი, ჩეხეთი, გერმანია...) სრული დაფინანსებით. გარდა ხანგრძლივი გაცვლითი პროგრამებისა, სარგებლობენ სხვადასხვა მოკლევადიანი კურსებით, საერთაშორისო საზაფხულო და ზამთრის სკოლებით, ტრენინგებითა და გაცვლითი პროგრამებით, როგორც საქართველოს, ასევე ევროპის მასშტაბით.
სწავლის პროცესის პარალელურად საბაუნის სტუდენტები განებივრებული არიან დამატებითი საუნივერსიტეტო აქტივობებით, პროექტებით, საერთაშორისო ტრენინგებით, კონკურსებითა და საინტერესო შეხვედრებით ცნობილ ადამიანებთან ნებისმიერი სფეროდან.
ფაკულტეტი სთავაზობს ფინანსური მხარდაჭერის პროგრამებს; ფაკულტეტზე არსებობს როგორც საუნივერსიტეტო, ისე ბიზნეს კომპანიების ექსკლუზიური სტიპენდიები.
უნივერსიტეტის მაღალგანვითარებული კომპიუტერული ლაბორატორია, და თანამედროვე ქართული და უცხოური ლიტერატურით, საერთაშორისო ბაზებთან წვდომით აღჭურვილი ბიბლიოთეკა კიდევ უფრო მიმზიდველს ხდის ჩვენს ფაკულტეტზე სწავლას.
ბიზნესისა და ტექნოლოგიების ფაკულტეტის ბაზაზე შექმნილია განვითარების კვლევების ინსტიტუტი, რომლის მიზანია კვლევითი მიმართულების გაძლიერება და, ამ მხრივ, სტუდენტების მაქსიმალური ჩართვა საერთაშორისო კვლევით პროექტებში.