გაცვლითი პროგრამა KA107 ICM

Erasmus + KA107 ICM საერთაშორისო კრედიტ მობილობა (International Credit Mobility), არის მოკლევადიანი გაცვლითი პროგრამა სტუდენტების, აკადემიური და ადმინისტრაციული პერსონალისათვის პარტნიორ უნივერსიტეტებში. პროგრამა სრულად აფინანსებს მგზავრობისა და უცხოეთში ცხოვრების ხარჯს.
სტუდენტს შეუძლია ისწავლოს უცხოურ უნივერსიტეტში ერთი სემესტრის (5 თვის) განმავლობაში. მობილობის დაწყებამდე იგი, გამგზავნი უნივერსიტეტი და მიმღები უნივერსიტეტი დებს ხელშეკრულებას, სადაც მითითებულია ინფორმაცია იმ კრედიტების შესახებ, რომელთაც სტუდენტი მიმღებ უნივერსიტეტში გაივლის, ხოლო მობილობის წარმატებით დასრულების შემდეგ კი გამგზავნი უნივერსიტეტი – აღიარებს.
აკადემიური და ადმინისტრაციული პერსონალისათვის მობილობის პერიოდი განისაზღვრება 5 სამუშაო დღით (+ მგზავრობის 2 დღე).
სტიპენდიის რაოდენობა პროგრამის ქვეყნების მიხედვით განსხვავებულია.

სტუდენტებისთვის

900 ევრო თვეში	დანია, ფინეთი, ისლანდია, ირლანდია, ლუქსემბურგი, შვედეთი, დიდი ბრიტანეთი, ლიხტენშტეინი, ნორვეგია
850 ევრო თვეში	ავსტრია, ბელგია, გერმანია, საფრანგეთი, იტალია, საბერძნეთი, ესპანეთი, კვიპროსი, ჰოლანდია, მალტა, პორტუგალია
800 ევრო თვეში	ბულგარეთი, ხორვატია, ჩეხეთი, ესტონეთი, ლატვია, ლიეტუვა, უნგრეთი, პოლონეთი, რუმინეთი, სლოვაკეთი, სლოვენია, მაკედონია, თურქეთი

 

პერსონალისთვის

180 ევრო დღეში	დანია, ფინეთი, ისლანდია, ირლანდია, ლუქსემბურგი, შვედეთი, დიდი ბრიტანეთი, ლიხტენშტეინი, ნორვეგია
160 ევრო დღეში	ავსტრია, ბელგია, გერმანია, საფრანგეთი, იტალია, საბერძნეთი, ესპანეთი, კვიპროსი, ჰოლანდია, მალტა, პორტუგალია
140 ევრო დღეში	ბულგარეთი, ხორვატია, ჩეხეთი, ესტონეთი, ლატვია, ლიტვა, უნგრეთი, პოლონეთი, რუმინეთი, სლოვაკეთი, სლოვენია, მაკედონია, თურქეთი