საჯარო მმართველობა (მაგისტრატურა)
- პროგრამის სახელწოდება : საჯარო მმართველობა
- სწავლების ენა: ქართული
- მისანიჭებელი აკადემიური ხარისხი: საჯარო მმართველობის მაგისტრი
- პროგრამის ხელმძღვანელი: ლიანა გიორგაძე, გიორგი გორაძე
- სწავლის საფასური: 2500 ლარი
- სწავლის ხანგრძლივობა: 2 წელი (120 ECTS კრედიტი)
საჯარო მმართველობის სამაგისტრო პროგრამის მიზანია:
- სტუდენტს შესძინოს მულტიდისციპლინური, ღრმა და სისტემური ცოდნა საჯარო მმართველობის, მისი საკონსტიტუციური საფუძვლების, საჯარო მმართველობის განხორციელების სამართლებრივი ინსტრუმენტების, საჯარო ფინანსების მართვის, საჯარო დაწესებულებების ორგანიზაციული სტრუქტურისა და მართვის, საჯარო მმართველობის ძირითად ღირებულებებისა და პრინციპების, ასევე ეთიკური სტანდარტის შესახებ;
- სტუდენტს შესძინოს ღრმა და სისტემური ცოდნა საქართველოს სახელმწიფო მოწყობის, ადგილობრივი თვითმმართველობის ფუნქციონირების, საქართველოს ევროინტეგრაციის პროცესის ეროვნული და რეგიონული მნიშვნელობის, ასევე ევროკავშირის, როგორც ორგანიზაციის ფუნქციონირების ძირითადი პრინციპები შესახებ, ჩამოუყალიბოს ევროკავშირის სამართლებრივ აქტებთან მუშაობის პრაქტიკული უნარ-ჩვევები, რითაც ისინი მნიშვნელოვან წვლილს შეიტანენ ქვეყნის ევროინტეგრაციის პროცესში;
- ჩამოაყალიბოს მაღალი ეთიკური ღირებულებებისა და სტანდარტების მქონე პროფესიონალი და კეთილსინდისიერი საჯარო მმართველები და მოსამსახურეები, რომელთაც შეეძლებათ ხელი შეუწყონ საჯარო მმართველობის სისტემის ეფექტურ მუშაობას, მონაწილეობა მიიღონ მის მდგრად განვითარებში;
- სტუდენტს შესძინოს საჯარო მამრთველობის პრობლემებზე სიღრმისეული ანალიზის და აკადემიური წერისა და სოციალური კვლევის ტექნიკის საშუალებით, შეძლოს საჯარო მმართველობის საკითხებზე აკადემიური კვლევის დაგეგმვა და განხორციელება.
საჯარო მმართველობის სამაგისტრო პროგრამის კურსდამთავრებული:
- სიღრმისეულად აცნობიერებს დემოკრატიულ და სოციალურ-სამართლებრივ სახელმწიფოში საჯარო მმართველობის ფუნქციებს, საჯარო მმართველობის საკონსტიტუციო საფუძვლებს და მისი განხორციელების სამართლებრივ ინსტრუმენტებს, საჯარო მმართველობის სფეროში გადაწყვეტილების მიღების წესსა და პროცესს, ადმინისტრაციული წარმოების სახეებს, პრინციპებს და საჯარო ორგანოს საქმიანობის ძირითად ფორმებს, საჯარო ფინანსების მართვის მექანიზმებს, საჯარო დაწესებულებების ორგანიზაციული სტრუქტურისა და მართვის თანამედროვე მოდელებს, კრიტიკულად იაზრებს საჯარო მმართველობისა და სამოხელეო სამართლის სფეროში არსებულ კომპლექსურ პრობლემებს;
- ფლობს სისტემურ ინფორმაციას საქართველოს სახელმწიფო მოწყობის ძირითადი ასპექტების, საქართველოს სახელმწიფო ორგანოების საკონსტიტუციო სტატუსისა და უფლება-მოვალეობების, ადგილობრივი თვითმმართველობის სტრუქტურის, ფუნქციებისა და მისი ცენტრალურ ხელისუფლებასთან მიმართების, საქართველოს ევროინტეგრაციასთან დაკავშირებული საკითხების, საქართველო-ევროკავშირის თანამშრომლობის ძირითადი ასპექტებისა და აქტუალური პრობლემების შესახებ;
- კომპლექსურად აფასებს საჯარო მმართველობის პრობლემური საკითხებს და განსაზღვრავს მათი გადაწყვეტის ოპტიმალურ გზებს, გამოავლენს საჯარო სამსახურში არაეთიკურ ქმედებებს, ახდენს არაეთიკური ქმედებების განმახორციელებელი პირების იდენტიფიცირებას და იცავს საჯარო სამსახურის ინტერესებს ეთიკური გარემოს უზრუნველყოფის მიზნით;
- აანალიზებს ევროკავშირსა და საქართველოს შორის თანამშრომლობის პროცესსა და მის თანმდევ შედეგებს, სწორად განსაზღვრავს ქვეყნის ევროპულ და ევროატლანტიკურ სტრუქტურებში ინტეგრაციის დანიშნულებას უკეთესი საჯარო მმართველობის სისტემის უზრუნველსაყოფად;
- ადგენს სხვადასხვა ადმინისტრაციულ აქტს, გეგმავს და მონაწილეობას იღებს საჯარო მმართველობის სფეროში კონკრეტული საკითხის გადასაწყვეტად კანონმდებლობით განსაზღვრულ წარმოებაში, მსჯელობს აკადემიურ და პროფესიულ საზოგადოებასთან საჯარო მმართველობასთან დაკავშირებულ საკითხებზე და წარმოადგენს საკუთარ დასაბუთებულ დასკვნებსა და არგუმენტებს, ასევე, აკადემიური წერის ტექნიკის საშუალებით საჯარო მმართველობის სფეროში დამოუკიდებლად გეგმავს და ასრულებს კვლევას
- იყენებს მიღებულ ცოდნას ყოველდღიურ პროცესებში და დამოუკიდებლად იღებს მნიშვნელოვან გადაწყვეტილებებს საჯარო სამსახურში, საჯარო სამსახურის ღირებულებების, პრინციპებისა და ეთიკის ზოგადი წესების დაცვით;
- საკუთარი პროფესიული ცოდნის გამოყენებით მნიშვნელოვანი წვლილი შეაქვს საჯარო მმართველობის თანამედროვე სისტემის ჩამოყალიბებასა და მის სამომავლო განვითარებაში
ზოგიერთი საგანი არის სამკრედიტიანი და ნახევარ სემესტრში მთავრდება. ეს სტუდენტებს საშუალებას აძლევს სემესტრის განმავლობაში ბევრი ისეთი საგანი გაიარონ, რაც აინტერესებთ და პრაქტიკაში გამოადგებათ.
საჯარო მმართველობის სამაგისტრო პროგრამის მნიშვნელოვანი ნაწილია კვლევის კომპონენტი - სამაგისტრო ნაშრომი.
ფაკულტეტი აქვეყნებს საუკეთესო სამაგისტრო ნაშრომებს. ამით ხელს უწყობს სტუდენტთა სამეცნიერო კვლევებში ჩაბმას, სამეცნიერო მუშაობის წახალისებას და სამომავლოდ კვალიფიციური პედაგოგების მომზადებას.