შორენა გოგიაშვილი

კვლევითი მობილობა ლუბლინის უნივერსიტეტებში

სულხან-საბა ორბელიანის უნივერსიტეტის საერთაშორისო სტუდენტების სამსახურის მენეჯერი და ჰუმანიტარულ და სოციალურ მეცნიერებათა ფაკულტეტის აფილირებული ასისტენტი, შორენა გოგიაშვილი კვლევითი გაცვლითი პროგრამით იმყოფებოდა საბაუნის პარტნიორ პოლონურ უნივერსიტეტებში. 15 ოქტომბრიდან 30 ოქტომბრის ჩათვლით შორენა გოგიაშვილმა თითო კვირიანი საქმიანი შეხვედრები გამართა მარი სკლოდოვსკა-კიურის და ლუბლინის კათოლიკური უნივერსიტეტებში. ვიზიტის განმავლობაში საბაუნის ლექტორმა ჩაატარა საჯარო ლექციები და ვორქშოპები პოლონელი სტუდენტებისათვის, შეხვედრები გამართა საერთაშორისო ურთიერთობების სამსახურებთან, სადაც ერთმანეთს გაუზიარეს გამოცდილება უცხოელი სტუდენტების სერვისებთან დაკავშირებით. შეხვედრების შედეგად დაისახა სამომავლო თანამშრომლობის გეგმები.

„ჩემი ორკვირიანი ვიზიტი ლუბლინის უნივერსიტეტებში  საკმაოდ ნაყოფიერი და წარმატებული აღმოჩნდა ბევრი თვალსაზრისით. პირველ რიგში ახალი და მტკიცე ურთიერთობების ჩამოსაყალიბებლად რაც ძალზედ მნიშვნელოვანია აკადემიურ გარემოში. პოლონეთში ყოფნის დროს საშუალება მქონდა დავსწრებოდი ჩემი კოლეგების  ლექციებს სხვადასხვა მიმართულებით და გაგვეზიარებინა საკუთარი გამოცდილება ერთმანეთისათვის. ვიზიტის ფარგლებში ჩავატარე ვორქშოფი ‘ როგორ დავწეროთ ეფექტური სამოტივაციო წერილი ინგლისურად“ უნივერსიტეტის სხვადასხვა ფაკულტეტის სტუდენტებისათვის. აღნიშნულმა ვიზიტმა  ასევე საშუალება მომცა ჩამეტარებინა სტუდენტების კვლევა თემაზე „სტუდენტების კმაყოფილების კითხვარი სწავლა-სწავლების ხარისხზე მშობლიურ უნივერსიტეტში“ და შემედარებინა ქართული უნივერსიტეტების პრაქტიკასთან მიმართებაში“.

ვიზიტის ფარგლებში შორენა გოგიაშვილს უმასპინძლეს UMCS-ს გამოყენებითი ლინგვისტიკის  პროფესორმა იაროსლავ კრაიკამ და KUL -ის ჰუმანიტარული ფაკულტეტის პროფესორმა ალექსანდრა კროიზე-კოლოძიეიმ. შორენა გოგიაშვილის კვლევითი პროგრამა განხორციელდა პოლონეთის მთავრობის საგრანტო პროგრამა PROM-ის ფარგლებში.