საპროექტო განაცხადი
სულხან-საბა ორბელიანის უნივერსიტეტში/საბაუნიში მოქმედებს საგრანტო კონკურსის ყოველწლიური პროგრამა, რომლის ფარგლებშიც სტუდენტებს საშუალება აქვთ, განახორციელონ თავიანთი ინიციატივები ინდივიდუალურად, ჯგუფურად ან აკადემიურ პერსონალთან ერთად. ეს პროგრამა ხელს უწყობს მათ, სწავლის პერიოდშივე, პრაქტიკაში გამოიყენონ თეორიული ცოდნა და გაიუმჯობესონ ის უნარ-ჩვევები, რომლებიც აუცილებლად დაეხმარებათ წარმატებით დასაქმებაში უნივერსიტეტის დამთავრების შემდეგ. პროგრამის ფარგლებში ფინანსდება 6 პროექტი. უნივერსიტეტში იგეგმება ჰაკათონების ყოველწლიური პროგრამის დანერგვა, რომელიც ხელს შეუწყობს სტუდენტებსა და კურსდამთავრებულებს, მენტორინგის მეთოდის გამოყენებით, გამოავლინონ თავიანთი შესაძლებლობები, შემოქმედებითი უნარები და გამოხატონ დაინტერესება განსხვავებული სფეროების მიმართ. პროგრამის ფარგლებში მათ შეეძლებათ სხვადასხვა იდეის განვითარება, რომელთა მხარდაჭერასაც შევთავაზებთ უნივერსიტეტის პარტნიორ ორგანიზაციებს ურთიერთთანამშრომლობის ფარგლებში.
თუ ხარ საბაუნის აქტიური სტუდენტი, გაქვს იდეა
და გინდა განახორციელო შენი პროექტმაშინ გაიგე მეტი, თუ როგორ ხდება პროექტის წარდგენა საბაუნიში (იხ. ლინკი)
შეავსე მარტივი სააპლიკაციო ფორმა.
გაიარე ყველა მარტივი პროცედურა.
ჩვენ ყველანაირად დაგეხმარებით მის რეალურად განხორციელებაში !
დამატებითი შეკითხვების შემთხვევაში მიმართეთ სტუდენტურ საქმეთა სამსახურს (105)
ან დაგვიკავშირდით:
E-mail: student.affairs@sabauni.edu.ge