შერჩევა
აკადემიურ პერსონალს შეარჩევს რექტორის ბრძანებით დამტკიცებული შესარჩევი კომისია, რომლის შემადგენლობაში, როგორც წესი, შედიან: პრორექტორი (თავმჯდომარე), აკადემიური საბჭოს ერთი წევრი, ადამიანური რესურსების მენეჯერი (წევრი) და საერთაშორისო ურთიერთობების მენეჯერი (მდივანი).
ადმინისტრაციულ პერსონალს შეარჩევს რექტორის ბრძანებით დამტკიცებული შესარჩევი კომისია, რომლის შემადგენლობაში, როგორც წესი, შედიან: პრორექტორი (თავმჯდომარე), კანცლერი (წევრი), ადამიანური რესურსების მენეჯერი (წევრი) და საერთაშორისო ურთიერთობების მენეჯერი (მდივანი).
შესარჩევი კომისია აპლიკანტების დოკუმენტაციის განხილვისა და ინდივიდუალური გასაუბრების საფუძველზე აფასებს მათ შემდეგი კრიტერიუმების გათვალისწინებით:
- უცხო ენაზე ლექციის ჩატარების უნარი (აკადემიური პერსონალი);
- უცხო ენაზე კომუნიკაციის უნარი (ადმინისტრაციული პერსონალი);
- აკადემიური/ადმინისტრაციული საქმიანობა უნივერსიტეტში (თუ რამდენად აქტიურადაა ჩართული საუნივერსიტეტო საქმიანობაში)
- რელევანტურობა გამოცხადებულ მობილობის მიმართულებასთან;
- მობილობის მოსალოდნელი შედეგები.
შენიშვნა: პარტნიორი უნივერსიტეტის მოთხოვნების შესაბამისად, შეფასების კრიტერიუმები შესაძლოა შეიცვალოს.
თანაბარი საკონკურსო შეფასების შემთხვევაში, უპირატესობა მიენიჭება საბაუნის აფილირებულ/ადმინისტრაციულ პერსონალს, რომელსაც არ აქვს მონაწილეობა მიღებული გაცვლით პროგრამაში. საბოლოო გადაწყვეტილებას იღებს მასპინძელი უნივერსიტეტი.