გაცვლითი პროგრამა აკადემიური პერსონალისათვის პოლონეთში

სულხან-საბა ორბელიანის უნივერსიტეტისა და ლუბლინის კათოლიკური უნივერსიტეტის თანამშრომლობით, ცხადდება საბუთების მიღება აკადემიური პერსონალისათვის, რომელთაც სურთ ისარგებლონ მოკლე ვადიანი მობილობით მასპინძელ უნივერსიტეტში, როგორც ლექციების ჩასატარებლად, ასევე კვლევების საწარმოებლად. 
აპლიკანტი უზრუნველყოფილი იქნება საცხოვრებელით, დანარჩენ ხარჯებს აპლიკანტი საკუთარი ხარჯებით დაფარავს. 
მობილობის ხანგრძლივობა:
2 კვირა, 1 თვე ან 2 თვე, აპლიკანტი თავად ირჩევს მობილობის ვადას. 

მობილობა განხორციელდება 2022-2023 აკადემიური წლის მანძილზე

საბუთების წარმოდგენის (რეგისტრაციის) ბოლო ვადა: 2022 წლის 24 აპრილი.

რეგისტრაციისას აპლიკანტმა უნდა წარმოადგინოს სააპლიკაციო ფორმა და სამუშაო გეგმა (დანართი 1), რომელიც შეთანხმებული იქნება მიმღები უნივერსიტეტის შესაბამისი სფეროს პროფესორთან (აპლიკანტი თავად უნდა დაუკავშირდეს პოლონელ პროფესორს და მასთან შეთანხმებით დაგეგმოს მობილობის პერიოდი). 
შენიშვნა: ლუბლინის უნივერსიტეტთან კომუნიკაციისას, გთხოვთ გამოიყენოთ პირადი მეილები (საბაუნის მეილები სპამში მიდის). 
რეგისტრაციის დასრულების შემდეგ, გადაწყვეტილებას მიიღებს საბაუნის საგანგებოდ შექმნილი კომისია.

აპლიკანტს შეუძლია განაცხადი გააკეთოს შემდეგი ტიპის მობილობაზე:

• კვლევითი მობილობა;
• სასწავლო მობილობა;
• კვლევა და სასწავლო მობილობა ერთად;

მონაწილეობის მიღება შეუძლიათ საბაუნის აფილირებულ პროფესორებსა და აკადემიურ პერსონალს. 
სავალდებულოა უცხო ენის მინიმუმ B2 დონეზე ფლობა
წარმოსადგენი დოკუმენტაცია:

• სააპლიკაციო ფორმა (ჩამოტვირთეთ) ხელმოწერილი მასპინძელი უნივერსიტეტის წარმომადგენელის მიერ
• ინგლისური ენის დამადასტურებელი სერტიფიკატი ან დოკუმენტი რომელიც დაასაბუთებს რომ აპლიკანტმა სათანადოდ იცის ინგლისური ენა (მაგ. აქვს ინგლისურ ენაზე ლექციების ჩატარების გამოცდილება. 

მოთხოვნილი დოკუმენტები უნდა გადმოაგზავნოთ საბაუნის საერთაშორისო ურთიერთობების მენეჯერის ელ.ფოსტაზე ir@sabauni.edu.ge არაუგვიანეს 24 აპრილისა. სათაურის ველში მიუთითეთ Staff Exchange at KUL

კითხვების შემთხვევაში დაგვიკავშირდით საერთაშორისო ურთიერთობების სამსახურში, ელ.ფოსტაზე: ir@sabauni.edu.ge, ტელ.: 577347713 შორენა პარუნაშვილი