მონაწილეობის პირობები
Erasmus+ ICM პროგრამაში მონაწილეობის მიღება შეუძლია ყველა სტუდენტს, რომელსაც:
- ერთი აკადემიურ წელი დასრულებული აქვს უნივერსიტეტში (მაგისტრატურის შემთხვევაში, შესაძლებელია ჩაერთოს პირველი სემესტრის სტუდენტიც);
- აქვს აქტიური სტუდენტის სტატუსი;
- ფლობს უცხო ენას B2 დონეზე;
- აქვს კარგი აკადემიური მოსწრება (GPA არანკლებ 2.5);
- არ გააჩნია ფინანსური დავალიანება უნივერსიტეტის წინაშე.
შენიშვნა: კონკურსში მონაწილეობის მიღება არ შეუძლიათ: პირველი კურსის (ბაკალავრიატის დონეზე) და დამამთავრებელი სემესტრის (ორივე საფეხურზე) სტუდენტებს, ასევე, მათ, ვისაც შეფარდებული აქვს დისციპლინური სანქცია, უნივერსიტეტის სტუდენტთა ქცევის კოდექსის შესაბამისად.
სასტიპენდიო პროგრამის მონაწილე სტუდენტი ვალდებულია სემესტრის დასაწყისში გაიაროს ადმინისტრაციული რეგისტრაცია და გადაიხადოს სწავლის სემესტრის საფასური სრულად.
კონკურსში მონაწილეობის პროცედურები განისაზღვრება შემდეგ ეტაპებად:
- რეგისტრაცია (საბუთების გადაგზავნა საერთაშორისო ურთიერთობების მენეჯერთან);
- ტესტირება უცხო ენაში (მათთვის, ვისაც არ გააჩნია საერთაშორისო სერტიფიკატი);
- გასაუბრება შესარჩევ კომისიასთან;
- პირველადი შედეგების (ნომინირება) გაგზავნა მიმღებ უნივერსიტეტთან და მათ მიერ საბოლოო გადაწყვეტილების მიღება;
- სასწავლო ხელშეკრულების დადება სტუდენტსა და მიმღებ უნივერსიტეტს შორის;
- საბოლოო დოკუმენტაციის გადაგზავნა მიმღებ უნივერსიტეტში;
- სავიზო პროცედურები;
- გამგზავრება.