სულხან-საბა ორბელიანის უნივერსიტეტი 2025 წლის 24 დეკემბრიდან აცხადებს ღია კონკურსს აკადემიური თანამდებობის დასაკავებლად

ადგილი:კალისტრატე ქუთათელაძის 3

განთავსების თარიღი:12/24/2025

სულხან-საბა ორბელიანის უნივერსიტეტი 2025 წლის 24 დეკემბრიდან აცხადებს ღია კონკურსს აკადემიური თანამდებობის დასაკავებლად შემდეგ პოზიციებზე:

• თეოლოგიის ფაკულტეტზე, აკადემიური ნიშნით შემდეგ სპეციალობაზე:

1. ასოცირებული პროფესორი თეოლოგიი მიმართულებით - 1 ვაკანტური ადგილი, აფილირების პირობით;

• სოციალურ მეცნიერებათა ფაკულტეტზე აკადემიური ნიშნით შემდეგ სპეციალობებზე:

1. ასოცირებული პროფესორი ქართული ლიტერატურის მიმართულებით - 1 ვაკანტური ადგილი;

2. ასოცირებული პროფესორი სოციალური და კულტურული ანთროპოლოგიის მიმართულებით - 1 ვაკანტური ადგილი;

3. ასოცირებული პროფესორი სოციოლოგიის მიმართულებით - 1 ვაკანტური ადგილი;

4. ასისტენტ-პროფესორი საერთაშორისო ურთიერთობების მიმართულებით - 1 ვაკანტური ადგილი;

5. ასისტენტი საერთაშორისო ურთიერთობების მიმართულებით - 1 ვაკანტური ადგილი, აფილირების პირობით;

6. ასისტენტი სოციოლოგიის მიმართულებით - 1 ვაკანტური ადგილი, აფილირების პირობით

• სამართლის ფაკულტეტზე აკადემიური ნიშნით შემდეგ სპეციალობებზე:

1. ასოცირებული პროფესორი, საჯარო სამართლის, უპირატესად ადამიანის უფლებების მიმართულებით - 1 ვაკანტური ადგილი, აფილირების პირობით;

2. ასისტენტ-პროფესორი, კერძო სამართლის, უპირატესად საავტორო უფლებების მიმართულებით - 1 ვაკანტური ადგილი, აფილირების პირობით ;

აკადემიურ თანამდებობაზე ასარჩევად დადგენილ ძირითად მოთხოვნებად და შეფასების კრიტერიუმებად განისაზღვროს:

ა) ძირითადი კრიტერიუმი:

ასოცირებული-პროფესორის აკადემიური თანამდებობის დასაკავებლად:

შეიძლება არჩეულ იქნეს დოქტორის ან მასთან გათანაბრებული აკადემიური ხარისხის მქონე პირი, რომელსაც აქვს სამეცნიერო-პედაგოგიური მუშაობის არანაკლებ 3 წლის გამოცდილება და რომელიც აკმაყოფილებს ამ დებულებით განსაზღვრულ დამატებით მოთხოვნებს;

ასისტენტ-პროფესორის აკადემიური თანამდებობის დასაკავებლად:

შეიძლება არჩეულ იქნეს დოქტორის ან მასთან გათანაბრებული აკადემიური ხარისხის მქონე პირი და რომელიც აკმაყოფილებს ამ დებულებით განსაზღვრულ დამატებით მოთხოვნებს;

ასისტენტის აკადემიური თანამდებობის დასაკავებლად:

შეიძლება არჩეულ იქნეს დოქტორანტი.

ბ) დამატებითი კრიტერიუმები:

აკადემიური ნიშნით შერჩევისას:

•  სასწავლო კურსის სილაბუსი;
• ბოლო 5 წლის განმავლობაში გამოქვეყნებული სამეცნიერო ნაშრომები/პუბლიკაციები;
• საერთაშორისო გამოქვეყნებები;

კონკურსანტი უნდა აკმაყოფილებდეს შესაბამისი აკადემიური თანამდებობისათვის საქართველოს კანონმდებლობით დადგენილ მოთხოვნებს და წარმოადგინოს:

ა) განცხადება საკონკურსო კომისიის სახელზე; (იხ. დანართი 1)

ბ) პირადობის დამადასტურებელი დოკუმენტის (პირადობის მოწმობა) ასლი (უცხო ქვეყნის მოქალაქეობის შემთხვევაში - პასპორტის/პირადობის მოწმობის ასლი და სანოტარო წესით დამოწმებული თარგმანი);

გ) ფოტოსურათი (დაბეჭდილი 3×4 -ზე, ელექტრონული - CD მატარებელზე);

დ) ავტობიოგრაფია (CV) შევსებული ამ ბრძანების დანართი #2-ის შესაბამისად;

ე) ბოლო 5 წლის განმავლობაში გამოქვეყნებული სამეცნიერო ნაშრომების/პუბლიკაციების სია;

ვ) კვალიფიკაციისა და გამოცდილების დამადასტურებელი დოკუმენტები

 აკადემიური ნიშნით:

ასოცირებული-პროფესორის აკადემიური თანამდებობის დასაკავებლად:

- დოქტორის ან მასთან გათანაბრებული აკადემიური ხარისხისა დამადასტურებელი დოკუმენტის ასლი

- არანაკლებ 3 წლის სამეცნიერო-პედაგოგიური მუშაობის გამოცდილების დამადასტურებელი დოკუმენტი

ასისტენტ-პროფესორის აკადემიური თანამდებობის დასაკავებლად:

- დოქტორის ან მასთან გათანაბრებული აკადემიური ხარისხისა დამადასტურებელი დოკუმენტის ასლი

ასისტენტის აკადემიური თანამდებობის დასაკავებლად:

- მაგისტრის ან მასთან გათანაბრებული აკადემიური ხარისხისა და დოქტორანტურაში სწავლის ცნობა;

შენიშვნა: უცხოეთში მიღებული განათლების/კვალიფიკაციის დამადასტურებელი დოკუმენტის შემთხვევაში ასევე წარსადგენია ნოტარიულად დამოწმებული ქართულენოვანი თარგმანი და სსიპ - განათლების ხარისხის განვითარების ეროვნული ცენტრის მიერ გაცემული უცხოეთში მიღებული განათლების აღიარების დოკუმენტი.

ზ) სასწავლო კურსის სილაბუსი;

შენიშვნა: უმაღლეს საგანმანათლებლო დაწესებულებაში არ შეიძლება

დასაქმდეს „სქესობრივი თავისუფლებისა და ხელშეუხებლობის წინააღმდეგ მიმართულ დანაშაულთან ბრძოლის შესახებ“ საქართველოს კანონით გათვალისწინებულ სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისათვის ნასამართლევი პირი ან/და პირი, რომელსაც იმავე კანონის საფუძველზე სასამართლომ ჩამოართვა საგანმანათლებლო დაწესებულებაში საქმიანობის უფლება. უნივერსიტეტი ვალდებულია პირისათვის შესაბამისი საქმიანობის განხორციელების უფლების მინიჭებამდე მოსთხოვოს მას წარმოადგინოს:

- ცნობა „სქესობრივი თავისუფლებისა და ხელშეუხებლობის წინააღმდეგ მიმართულ დანაშაულის ჩადენისთვის ნასამართლობის შესახებ“;

- ცნობა „უფლების ჩამორთმევის შესახებ“ .

ასოცირებული პროფესორი აკადემიურ თანამდებობაზე აირჩევა 6 (ექვსი) წლის ვადით;

ასისტენტ-პროფესორი და ასისტენტი აკადემიურ თანამდებობაზე აირჩევა 4 (ოთხი) წლის ვადით;

ასისტენტი აკადემიურ თანამდებობაზე აირჩევა 4 (ოთხი) წლის ვადით.

დასაქმებულის შრომის ანაზღაურების ოდენობა და გაცემის წესი დადგინდება შესარჩევ კანდიდატთან დამატებითი შეთანხმებით.

კონკურსთან დაკავშირებით დამატებითი ინფორმაციისთვის მიმართეთ უნივერსიტეტის საქმისწარმოების მენეჯერს (ც. ხითარიშვილი) ტელ: 577347700, ელექტრონული ფოსტა info@sabauni.edu.ge .

საბუთების მიღება განხორციელდება 2026 წლის 25 იანვრიდან 27 იანვრის ჩათვლით ელექტრონულ ფოსტაზე info@sabauni.edu.ge. ან უნივერსიტეტში მისამართზე: კალისტრატე ქუთათელაძის ქ.N 3, 205 კაბინეტში. დოკუმენტაციის მიღებაზე პასუხისმგებელი პირი ციცინო ხითარიშვილი, ტელ: 577347700.

საკონკურსო კომისია მუშაობას განახორციელებს 2026 წლის 28-29 იანვარს კონკურსის შედეგები გამოცხადდება 2026 წლის 230 იანვარს. კონკურსის შედეგები კანდიდატებს ეცნობებათ პერსონალური ელექტრონული ფოსტის მისამართზე შეტყობინების გაგზავნით.

დანართი 1

საკონტაქტო ინფორმაცია 

დანართი 1.2

საკონტაქტო ინფორმაცია (ინგლისური) 

დანართი 2

კონკურსანტის განცხადება