ღია კონკურსი აკადემიური თანამდებობების დასაკავებლად

ადგილი:კალისტრატე ქუთათელაძის 3

სულხან-საბა ორბელიანის უნივერსიტეტი  2024 წლის 22 ნოემბრიდან აცხადებს ღია კონკურსს აკადემიური თანამდებობის დასაკავებლად შემდეგ სპეციალობებზე:

 

თეოლოგიის ფაკულტეტზე აკადემიური ნიშნით შემდეგ სპეციალობებზე:

1. პროფესორი პატრისტიკის მიმართულებით - 1 ვაკანტური ადგილი, აფილირების პირობით;
2. პროფესორი საეკლესიო სამართლის მიმართულებით - 1 ვაკანტური ადგილი,  აფილირების პირობით;
3. პროფესორი საეკლესიო ისტორიის მიმართულებით - 1 ვაკანტური ადგილი, აფილირების პირობით;
4. ასოცირებული პროფესორი რელიგიების ისტორიის მიმართულებით - 1 ვაკანტური  ადგილი.

 

სამართლის ფაკულტეტზე აკადემიური ნიშნით შემდეგ სპეციალობებზე:

1. პროფესორი აფილირების პირობით, კრიმინოლოგიისა და სისხლის სამართლის მიმართულებით - 1 ვაკანტური ადგილი;
2. ასოცირებული პროფესორი სისხლის სამართლის მიმართულებით - 1 ვაკანტური ადგილი, აფილირების პირობით;
3. ასოცირებული პროფესორი საერთაშორისო კერძო სამართლის, საინვესტიციო და შრომის სამართლის მიმართულებით - 1 ვაკანტური ადგილი, აფილირების პირობით; 
4. ასოცირებული პროფესორი სამოქალაქო სამართლის მიმართულებით - 1 ვაკანტური ადგილი, აფილირების პირობით;
5. ასოცირებული პროფესორი ადმინისტრაციული, ადმინისტრაციული საპროცესო და ენერგეტიკის სამართლის მიმართულებით - 1 ვაკანტური ადგილი, აფილირების პირობით;
6. ასისტენტი ადმინისტრაციული სამართლის, სამეწარმეო წესრიგისა და პრივატიზების სამართლის მიმართულებით - 1 ვაკანტური ადგილი, აფილირების პირობით;
7. ასოცირებული პროფესორი სისხლის სამართლის პროცესის მიმართულებით - 1 ვაკანტური ადგილი.

 

ბიზნესისა და ტექნოლოგიების ფაკულტეტზე:

• აკადემიური ნიშნით შემდეგ სპეციალობებზე:

1. პროფესორი ტურიზმის მიმართულებით - 1 ვაკანტური ადგილი, აფილირების პირობით;
2. ასოცირებული პროფესორი მენეჯერული და ფინანსური აღრიცხვის მიმართულებით - 1 ვაკანტური ადგილი, აფილირების პირობით;
3. ასოცირებული პროფესორი კალკულუსისა და გამოყენებითი მათემატიკის მიმართულებით- 1 ვაკანტური ადგილი;
4. ასოცირებული პროფესორი კალკულუსის, მონაცემთა ანალიზისა და ბიზნესმოდელირების მიმართულებით ქართულ და ინგლისურენოვან პროგრამებზე - 1 ვაკანტური ადგილი;
5. ასოცირებული პროფესორი ფინანსებისა და საგადასახადო საქმის მიმართულებით - 1 ვაკანტური ადგილი;

 

• პროფესიული ნიშნით შემდეგ სპეციალობაზე:

1. ასოცირებული პროფესორი მენეჯმენტისა და ლიდერობის მიმართულებით -1 ვაკანტური ადგილი, აფილირების პირობით;

 

სოციალურ მეცნიერებათა ფაკულტეტზე შემდეგ სპეციალობებზე:

1. ასოცირებული პროფესორი ქართული ენის ფილოლოგიის მიმართულებით - 1 ვაკანტური ადგილი, აფილირების პირობით; 
2. ასოცირებული პროფესორი პოლიტიკის მეცნიერების მიმართულებით - 2 ვაკანტური ადგილი;
3. ასოცირებული პროფესორი ფილოსოფიის მიმართულებით - 1 ვაკანტური ადგილი;
4. ასოცირებული პროფესორი თარგმანისა და ინგლისური ფილოლოგიის მიმართულებით ქართულ და ინგლისურენოვან პროგრამებზე  - 1 ვაკანტური ადგილი;
5. ასისტენტ-პროფესორი ეკონომიკური პოლიტიკის მიმართულებით - 1 ვაკანტური ადგილი, აფილირების პირობით;
6. ასისტენტ-პროფესორი საერთაშორისო ურთიერთობების მიმართულებით - 1 ვაკანტური ადგილი;
7. ასოცირებული პროფესორი ფსიქოლოგიის მიმართულებით - 1 ვაკანტური ადგილი;
8. ასისტენტი იურიდიული ფსიქოლოგიის მიმართულებით - 1 ვაკანტური ადგილი;
9. ასისტენტი ისტორიის მიმართულებით - 1 ვაკანტური ადგილი, აფილირების პირობით.

თუ კანდიდატი ვერ დააკმაყოფილებს გამოცხადებულ მოთხოვნებს ის ვერ აირჩევა აკადემიურ თანამდებობაზე.

  აკადემიურ თანამდებობაზე ასარჩევად დადგენილ ძირითად მოთხოვნებად და შეფასების კრიტერიუმად განსაზღვრულია:

ა)  ძირითადი კრიტერიუმი:

ა) აკადემიური ნიშნით კვალიფიკაციის დამადასტურებელი ძირითადი კრიტერიუმი:

 

პროფესორის აკადემიური თანამდებობის დასაკავებლად: 

შეიძლება არჩეულ იქნეს დოქტორის ან მასთან გათანაბრებული აკადემიური ხარისხის მქონე პირი, რომელსაც აქვს სამეცნიერო-პედაგოგიური მუშაობის არანაკლებ 6 წლის გამოცდილება და რომელიც აკმაყოფილებს ამ დებულებით განსაზღვრულ დამატებით მოთხოვნებს;

 

ასოცირებული-პროფესორის აკადემიური თანამდებობის დასაკავებლად: 

შეიძლება არჩეულ იქნეს დოქტორის ან მასთან გათანაბრებული აკადემიური ხარისხის მქონე პირი, რომელსაც აქვს სამეცნიერო-პედაგოგიური მუშაობის არანაკლებ 3 წლის გამოცდილება და რომელიც აკმაყოფილებს ამ დებულებით განსაზღვრულ დამატებით მოთხოვნებს; 

 

ასისტენტ-პროფესორის აკადემიური თანამდებობის დასაკავებლად: 

შეიძლება არჩეულ იქნეს დოქტორის ან მასთან გათანაბრებული აკადემიური ხარისხის მქონე პირი და რომელიც აკმაყოფილებს ამ დებულებით განსაზღვრულ დამატებით მოთხოვნებს; 

 

ასისტენტის აკადემიური თანამდებობის დასაკავებლად:

შეიძლება არჩეულ იქნეს დოქტორანტი.

 

ბ) პროფესიული ნიშნით კვალიფიკაციის დამადასტურებელი ძირითადი კრიტერიუმები:

ასოცირებული პროფესორის აკადემიური თანამდებობის დასაკავებლად:

თანამდებობაზე შეიძლება არჩეულ იქნეს მაგისტრის ან მასთან გათანაბრებული აკადემიური ხარისხის მქონე პირი, რომელსაც აქვს არანაკლებ 7 წლის მუშაობის გამოცდილება შესაბამის დარგში, რაც დაკავშირებულია სფეროში წამყვან თანამდებობებზე პრაქტიკულ მოღვაწეობასთან, ამასთან, შესაბამისი მიმართულებით ეწევა სამეცნიერო-კვლევით საქმიანობას, რაც დასტურდება გამოქვეყნებებითა და განმავითარებელ ღონისძიებებში მონაწილეობით და რომელიც აკმაყოფილებს ამ დებულებით განსაზღვრულ დამატებით მოთხოვნებს;

 

გ) დამატებითი კრიტერიუმები:

აკადემიური ნიშნით შერჩევისას: 

➢ სასწავლო კურსის სილაბუსი;

➢ ბოლო 5 წლის განმავლობაში გამოქვეყნებული სამეცნიერო

     ნაშრომები/პუბლიკაციები;

➢ საერთაშორისო გამოქვეყნებები;

 

პროფესიული ნიშნით შერჩევისას: 

➢ სასწავლო კურსის სილაბუსი;

➢ მიღწევები პროფესიულ საქმიანობაში;

➢ სწავლების გამოცდილება;

➢ ბოლო 5 წლის განმავლობაში გამოქვეყნებული სამეცნიერო

     ნაშრომები/პუბლიკაციები; 

 

ინგლისური ენის კომპონენტი:

ინგლისური ენის ცოდნა B2 დონეზე დადასტურებული სერტიფიკატით, ინგლისურ ენაზე სწავლების გამოცდილებით ან/და გამოცდით. მხოლოდ ინგლისურენოვანი პროგრამებისთვის გამოცხადებულ ვაკანტურ ადგილებზე.

კონკურსანტი უნდა აკმაყოფილებდეს შესაბამისი აკადემიური თანამდებობისათვის საქართველოს კანონმდებლობით დადგენილ მოთხოვნებს და წარმოადგინოს:

ა) განცხადება საკონკურსო კომისიის სახელზე (იხ. განცხადების ფორმა);

ბ) პირადობის დამადასტურებელი დოკუმენტის (პირადობის მოწმობა) ასლი (უცხო ქვეყნის მოქალაქეობის შემთხვევაში - პასპორტის/პირადობის მოწმობის ასლი და სანოტარო წესით დამოწმებული თარგმანი);

გ) ფოტოსურათი (დაბეჭდილი 3×4 -ზე, ელექტრონული - CD მატარებელზე);

დ) ავტობიოგრაფია (CV) შევსებული ამ ბრძანების დანართი #1-ის შესაბამისად (იხილეთ CV - ის ფორმა);

ე) ბოლო 5 წლის განმავლობაში გამოქვეყნებული სამეცნიერო ნაშრომების/პუბლიკაციების სია;

ვ) კვალიფიკაციის დამადასტურებელი დოკუმენტები:

 

პროფესორის აკადემიური თანამდებობის დასაკავებლად: 

• დოქტორის ან მასთან გათანაბრებული აკადემიური ხარისხისა დამადასტურებელი დოკუმენტის ასლი 
• არანაკლებ 6 წლის სამეცნიერო-პედაგოგიური მუშაობის გამოცდილების დამადასტურებელი დოკუმენტი

ასოცირებული-პროფესორის აკადემიური თანამდებობის დასაკავებლად:

აკადემიური ნიშნით:

• დოქტორის ან მასთან გათანაბრებული აკადემიური ხარისხისა დამადასტურებელი დოკუმენტის ასლი 

• არანაკლებ 3 წლის სამეცნიერო-პედაგოგიური მუშაობის გამოცდილების დამადასტურებელი დოკუმენტი

პროფესიული ნიშნით:

• მაგისტრის ან მასთან გათანაბრებული აკადემიური ხარისხისა დამადასტურებელი დოკუმენტის ასლი;
• შესაბამის დარგში, სფეროში წამყვან თანამდებობებზე არანაკლებ 7 წლის მუშაობის გამოცდილების დამადასტურებელი დოკუმენტი;
• შესაბამისი მიმართულებით სამეცნიერო-კვლევით საქმიანობის დამადასტურებელი ინფორმაცია,  რაც დასტურდება გამოქვეყნებებითა და განმავითარებელ ღონისძიებებში მონაწილეობით;
• პროფესიულ საქმიანობაში მიღწევებს შესახებ ინფორმაცია;
• სწავლების გამოცდილების დამადასტურებელი დოკუმენტი;

ასისტენტ-პროფესორის აკადემიური თანამდებობის დასაკავებლად:

• დოქტორის ან მასთან გათანაბრებული აკადემიური ხარისხისა დამადასტურებელი დოკუმენტის ასლი ;

ასისტენტის აკადემიური თანამდებობის დასაკავებლად:

• მაგისტრის ან მასთან გათანაბრებული აკადემიური ხარისხისა და დოქტორანტურაში სწავლის ცნობა;

შენიშვნა: უცხოეთში მიღებული განათლების/კვალიფიკაციის დამადასტურებელი დოკუმენტის შემთხვევაში ასევე წარსადგენია ნოტარიულად დამოწმებული ქართულენოვანი თარგმანი და სსიპ - განათლების ხარისხის განვითარების ეროვნული ცენტრის მიერ გაცემული უცხოეთში მიღებული განათლების აღიარების დოკუმენტი.

ზ) ინგლისური ენის ცოდნა B2 დონეზე დადასტურებული სერტიფიკატით, ინგლისურ ენაზე სწავლების გამოცდილებით ან/და გამოცდით (მხოლოდ ინგლისურენოვანი პროგრამებისთვის გამოცხადებულ ვაკანტურ ადგილებზე).

თ) სასწავლო კურსის სილაბუსი; 

შენიშვნა: უმაღლეს საგანმანათლებლო დაწესებულებაში არ შეიძლება დასაქმდეს „სქესობრივი თავისუფლებისა და ხელშეუხებლობის წინააღმდეგ მიმართულ დანაშაულთან ბრძოლის შესახებ“ საქართველოს კანონით გათვალისწინებული სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისათვის ნასამართლევი პირი ან/და პირი, რომელსაც იმავე კანონის საფუძველზე სასამართლომ ჩამოართვა საგანმანათლებლო დაწესებულებაში საქმიანობის უფლება. უნივერსიტეტი ვალდებულია პირისათვის შესაბამისი საქმიანობის განხორციელების უფლების მინიჭებამდე მოსთხოვოს მას წარმოადგინოს:

• ცნობა „სქესობრივი თავისუფლებისა და ხელშეუხებლობის წინააღმდეგ მიმართულ დანაშაულის ჩადენისთვის ნასამართლობის შესახებ“;
• ცნობა „უფლების ჩამორთმევის შესახებ“ .

 

პროფესორი აკადემიურ თანამდებობაზე აირჩევა 8 (რვა) წლის ვადით;

ასოცირებული პროფესორი აკადემიურ თანამდებობაზე აირჩევა 6 (ექვსი) წლის ვადით;

ასისტენტ-პროფესორი და ასისტენტი აკადემიურ თანამდებობაზე აირჩევა 4 (ოთხი) წლის ვადით;

დასაქმებულის შრომის ანაზღაურების ოდენობა და გაცემის წესი დადგინდება შესარჩევ კანდიდატთან დამატებითი შეთანხმებით.

კონკურსთან დაკავშირებით დამატებითი ინფორმაციისთვის  მიმართეთ უნივერსიტეტის საქმისწარმოების  მენეჯერს (ც. ხითარიშვილი) ტელ: 577347700, ელექტრონული ფოსტა info@sabauni.edu.ge .

საბუთების მიღება განხორციელდება  2024 წლის 23 დეკემბრიდან 26 დეკემბრის ჩათვლით ელექტრონულ ფოსტაზე info@sabauni.edu.ge ან უნივერსიტეტში მისამართზე: კალისტრატე ქუთათელაძის ქ.N 3, 205 კაბინეტში. დოკუმენტაციის მიღებაზე პასუხისმგებელი პირი  ციცინო ხითარიშვილი, ტელ: 577347700.

საკონკურსო კომისია მუშაობას  განახორციელებს 2024 წლის 27 დეკემბრიდან..

კონკურსის შედეგები გამოცხადდება 2024 წლის  30 დეკემბრამდე.

კონკურსის შედეგები კანდიდატებს ეცნობებათ პერსონალური ელექტრონული ფოსტის მისამართზე შეტყობინების გაგზავნით.