ღია კონკურსი მედიცინის ფაკულტეტზე აკადემიური თანამდებობის დასაკავებლად

ადგილი:კალისტრატე ქუთათელაძის 3

განთავსების თარიღი:01/17/2025

სულხან-საბა ორბელიანის უნივერსიტეტი  2025 წლის 17 იანვრიდან აცხადებს ღია კონკურსს მედიცინის ფაკულტეტზე აკადემიური თანამდებობის დასაკავებლად შემდეგ  პოზიციებზე:

აკადემიური ნიშნით შემდეგ პოზიციებზე:

1. პროფესორი (აფილირების პირობით) - 3 ვაკანტური ადგილი;
2. ასოცირებული პროფესორი - 10 ვაკანტური ადგილი;
3. ასისტენტი - 5 ვაკანტური ადგილი.

პროფესიული ნიშნით შემდეგ პოზიციებზე:

1. ასოცირებული პროფესორი კლინიკური უნარების მიმართულებით - 2 ვაკანტური ადგილი;
2. ასისტენტ პროფესორი კლინიკური უნარების მიმართულებით - 1 ვაკანტური ადგილი;
3. ასოცირებული პროფესორი კლინიკური მიმართულებით - 4 ვაკანტური ადგილი;
4. ასისტენტ პროფესორი კლინიკური მიმართულებით - 2 ვაკანტური ადგილი.

 

აკადემიურ თანამდებობაზე ასარჩევად დადგენილ ძირითად მოთხოვნებად და შეფასების კრიტერიუმებად განისაზღვროს:

ძირითადი კრიტერიუმი

პროფესორის აკადემიური თანამდებობაზე: 

შეიძლება არჩეულ იქნეს დოქტორის ან მასთან გათანაბრებული აკადემიური ხარისხის მქონე პირი, რომელსაც აქვს სამეცნიერო-პედაგოგიური მუშაობის არანაკლებ 6 წლის გამოცდილება და რომელიც აკმაყოფილებს ამ ბრძანებით განსაზღვრულ დამატებით მოთხოვნებს;

დამატებით კლინიკურ მიმართულებაზე:

• სულ მცირე ბოლო 9 წლის კლინიკური გამოცდილება;
• შესაბამისი სპეციალობის სახელმწიფო სერტიფიკატი.

ასოცირებული-პროფესორის აკადემიური თანამდებობაზე:

შეიძლება არჩეულ იქნეს დოქტორის ან მასთან გათანაბრებული აკადემიური ხარისხის მქონე პირი, რომელსაც აქვს პედაგოგიური მუშაობის სულ მცირე 3 წლის გამოცდილება და რომელიც აკმაყოფილებს ამ ბრძანებით განსაზღვრულ დამატებით მოთხოვნებს;

დამატებით კლინიკურ მიმართულებაზე:

• სულ მცირე ბოლო 5 წლის კლინიკური გამოცდილება;
• შესაბამისი სპეციალობის სახელმწიფო სერტიფიკატი.

ასისტენტის აკადემიური თანამდებობაზე:

შეიძლება არჩეულ იქნეს დოქტორანტი.

დამატებით კლინიკურ მიმართულებაზე:

• სულ მცირე ბოლო 3 წლის კლინიკური გამოცდილება;
• შესაბამისი სპეციალობის სახელმწიფო სერტიფიკატი.

 

პროფესიული ნიშნით კვალიფიკაციის დამადასტურებელი ძირითადი კრიტერიუმები:

ასოცირებული პროფესორის აკადემიური თანამდებობაზე:

შეიძლება არჩეულ იქნეს მაგისტრის ან მასთან გათანაბრებული აკადემიური ხარისხის მქონე პირი, რომელსაც გააჩნია არანაკლებ 7 წლის მუშაობის გამოცდილება შესაბამის დარგში, რაც დაკავშირებულია სფეროში წამყვან თანამდებობებზე პრაქტიკულ მოღვაწეობასთან, ამასთან, შესაბამისი მიმართულებით ეწევა სამეცნიერო-კვლევით საქმიანობას, რაც დასტურდება გამოქვეყნებებითა და განმავითარებელ ღონისძიებებში მონაწილეობით ან აქვს უმაღლეს საგანმანათლებლო დაწესებულებაში არანაკლებ 3 წლის პედაგოგიური გამოცდილება და რომელიც აკმაყოფილებს ამ დებულებით განსაზღვრულ დამატებით მოთხოვნებს;

დამატებით კლინიკურ მიმართულებაზე:

• უკანასკნელი 5 წლის კლინიკური გამოცდილება (უწყვეტი);
• სახელმწიფო სერტიფიკატი (საექიმო საქმიანობის შესაბამისი/მომიჯნავე სპეციალობის).

 

ასისტენტ-პროფესორის აკადემიური თანამდებობაზე:

თანამდებობაზე შეიძლება არჩეულ იქნეს მაგისტრის ან მასთან გათანაბრებული აკადემიური ხარისხის მქონე პირი, რომელსაც გააჩნია არანაკლებ 5 წლის მუშაობის გამოცდილება შესაბამის დარგში, რაც დაკავშირებულია სფეროში, წამყვან თანამდებობებზე პრაქტიკულ მოღვაწეობასთან და რომელიც აკმაყოფილებს ამ დებულებით განსაზღვრულ დამატებით მოთხოვნებს;

დამატებით კლინიკურ მიმართულებაზე:

• სულ მცირე ბოლო 3 წლის კლინიკური გამოცდილება;
• შესაბამისი სპეციალობის სახელმწიფო სერტიფიკატი.

 

ინგლისური ენის კომპონენტი:

ინგლისურენოვანი პროგრამის განხორციელებისთვის კონკურსანტი (განურჩევლად პოზიციისა)  უნდა აკმაყოფილებდეს შემდეგ კრიტერიუმებიდან მინიმუმ ერთ-ერთს:

• ინგლისურენოვანი პროგრამით სწავლების, სულ მცირე, 3 წლის გამოცდილება; 
• საზღვარგარეთ მოქმედ კლინიკაში ინგლისურ ენაზე საექიმო საქმიანობის განხორციელება არანაკლებ 1 წლის განმავლობაში; 
• საზღვარგარეთ მოქმედ კვლევით დაწესებულებაში ბიომედიცინის მიმართულებით სასწავლო/კვლევითი საქმიანობის ინგლისურ ენაზე განხორციელება არანაკლებ 1 წლის განმავლობაში;
• ინგლისურენოვანი დიპლომამდელი ან დიპლომისშემდგომი პროგრამის დასრულება, რაც დასტურდება შესაბამისი დოკუმენტით;
• ინგლისური ენის, სულ მცირე, B2 დონის ცოდნის დამადასტურებელი საერთაშორისოდ აღიარებული სერტიფიკატით (IELTS, TOEFL, Cambridge English, UNIcert, EnglishScore და სხვ.).

 

დამატებითი კრიტერიუმები:

აკადემიური ნიშნით შერჩევისას: 

➢ სასწავლო კურსის სილაბუსი;

➢ ბოლო 5 წლის განმავლობაში გამოქვეყნებული სამეცნიერო ნაშრომები/პუბლიკაციები;

➢ საერთაშორისო გამოქვეყნებები;

 

პროფესიული ნიშნით შერჩევისას: 

➢ სასწავლო კურსის სილაბუსი;

➢ მიღწევები პროფესიულ საქმიანობაში;

➢ სწავლების გამოცდილება;

➢ ბოლო 5 წლის განმავლობაში გამოქვეყნებული სამეცნიერო ნაშრომები/პუბლიკაციები; 

 

კონკურსანტი უნდა აკმაყოფილებდეს შესაბამისი აკადემიური თანამდებობისათვის საქართველოს კანონმდებლობით დადგენილ მოთხოვნებს და წარმოადგინოს:

ა) განცხადება საკონკურსო კომისიის სახელზე; (იხ. დანართი 1)

ბ) პირადობის დამადასტურებელი დოკუმენტის (პირადობის მოწმობა) ასლი (უცხო ქვეყნის მოქალაქეობის შემთხვევაში - პასპორტის/პირადობის მოწმობის ასლი და სანოტარო წესით დამოწმებული თარგმანი);

გ) ფოტოსურათი (დაბეჭდილი 3×4 -ზე, ელექტრონული - CD მატარებელზე);

დ) ავტობიოგრაფია (CV ) ქართულ და ინგლისურ ენებზე შევსებული ამ ბრძანების დანართი#2-ისა და დანართი#3-ის შესაბამისად;

ე) ბოლო 5 წლის განმავლობაში გამოქვეყნებული სამეცნიერო ნაშრომების/პუბლიკაციების სია;

ვ) კვალიფიკაციისა და გამოცდილების დამადასტურებელი დოკუმენტები:

აკადემიური ნიშნით:

პროფესორის აკადემიური თანამდებობის დასაკავებლად: 

• დოქტორის ან მასთან გათანაბრებული აკადემიური ხარისხისა დამადასტურებელი დოკუმენტის ასლი;
• არანაკლებ 6 წლის სამეცნიერო-პედაგოგიური მუშაობის გამოცდილების დამადასტურებელი დოკუმენტი (ცნობა).

დამატებით კლინიკურ მიმართულებაზე:

• სულ მცირე ბოლო 9 წლის კლინიკური გამოცდილების დამადასტურებელი დოკუმენტი (ცნობა); 
•  შესაბამისი სპეციალობის სახელმწიფო სერტიფიკატი.

 

ასოცირებული-პროფესორის აკადემიური თანამდებობის დასაკავებლად:

• დოქტორის ან მასთან გათანაბრებული აკადემიური ხარისხისა დამადასტურებელი დოკუმენტის ასლი;

• არანაკლებ 3 წლის სამეცნიერო-პედაგოგიური მუშაობის გამოცდილების დამადასტურებელი დოკუმენტი (ცნობა).

დამატებით კლინიკურ მიმართულებაზე:

• სულ მცირე ბოლო 5 წლის კლინიკური გამოცდილების დამადასტურებელი დოკუმენტი (ცნობა); 
• შესაბამისი სპეციალობის სახელმწიფო სერტიფიკატი..

 

ასისტენტის აკადემიური თანამდებობის დასაკავებლად:

• მაგისტრის ან მასთან გათანაბრებული აკადემიური ხარისხისა და დოქტორანტურაში სწავლის ცნობა;

 

დამატებით კლინიკურ მიმართულებაზე:

• სულ მცირე ბოლო 3 წლის კლინიკური გამოცდილების დამადასტურებელი დოკუმენტი (ცნობა); 
•  შესაბამისი სპეციალობის სახელმწიფო სერტიფიკატი.

 

პროფესიული ნიშნით:

ასოცირებული პროფესორის აკადემიური თანამდებობის დასაკავებლად:

• მაგისტრის ან მასთან გათანაბრებული აკადემიური ხარისხისა დამადასტურებელი დოკუმენტის ასლი;
• შესაბამის დარგში, სფეროში წამყვან თანამდებობებზე არანაკლებ 7 წლის მუშაობის გამოცდილების დამადასტურებელი დოკუმენტი (ცნობა);
• შესაბამისი მიმართულებით სამეცნიერო-კვლევით საქმიანობის დამადასტურებელი ინფორმაცია,  რაც დასტურდება გამოქვეყნებებითა და განმავითარებელ ღონისძიებებში მონაწილეობით ან უმაღლეს საგანმანათლებლო დაწესებულებაში არანაკლებ 3 წლის პედაგოგიური გამოცდილების დამადასტურებელი დოკუმენტი (ცნობა
• პროფესიულ საქმიანობაში მიღწევების შესახებ ინფორმაცია;
• სწავლების გამოცდილების დამადასტურებელი დოკუმენტი;

დამატებით კლინიკურ მიმართულებაზე:

• უკანასკნელი 5 წლის კლინიკური გამოცდილების დამადასტურებელი დოკუმენტი (ცნობა); 
• სახელმწიფო სერტიფიკატი (საექიმო საქმიანობის შესაბამისი/მომიჯნავე სპეციალობის).

 

ასისტენტ-პროფესორის აკადემიური თანამდებობის დასაკავებლად:

• მაგისტრის ან მასთან გათანაბრებული აკადემიური ხარისხისა დამადასტურებელი დოკუმენტის ასლი;
• შესაბამის დარგში, სფეროში წამყვან თანამდებობებზე არანაკლებ 5 წლის მუშაობის გამოცდილების დამადასტურებელი დოკუმენტი;
• პროფესიულ საქმიანობაში მიღწევებს შესახებ ინფორმაცია;
• სწავლების გამოცდილების დამადასტურებელი დოკუმენტი;

 

დამატებით კლინიკურ მიმართულებაზე:

• უკანასკნელი 5 წლის კლინიკური გამოცდილების დამადასტურებელი დოკუმენტი (ცნობა); 
• სახელმწიფო სერტიფიკატი (საექიმო საქმიანობის შესაბამისი/მომიჯნავე სპეციალობის).

 

შენიშვნა: უცხოეთში მიღებული განათლების/კვალიფიკაციის დამადასტურებელი დოკუმენტის შემთხვევაში ასევე წარსადგენია ნოტარიულად დამოწმებული ქართულენოვანი თარგმანი და სსიპ - განათლების ხარისხის განვითარების ეროვნული ცენტრის მიერ გაცემული უცხოეთში მიღებული განათლების აღიარების დოკუმენტი.

ზ) ინგლისური ენის ცოდნის დამადასტურებელი დოკუმენტი;

ინგლისური ენის კომპეტენცია კონკურსანტს დადასტურებულად ჩაეთვლება ერთ-ერთ ქვემოთ მითითებულ შემთხვევაში: 

• ინგლისურენოვანი პროგრამაზე სწავლების, სულ მცირე, 3 წლიანი სამუშაო გამოცდილების დამადასტურებელი დოკუმენტის წარმოდგენის შემთხვევაში;
• საზღვარგარეთ მოქმედ კლინიკაში, არანაკლებ 1 წლის განმავლობაში, ინგლისურ ენაზე საექიმო საქმიანობის განხორციელების დამადასტურებელი დოკუმენტის წარმოდგენის შემთხვევაში;
• საზღვარგარეთ მოქმედ კვლევით დაწესებულებაში ბიომედიცინის მიმართულებით, არანაკლებ 1 წლის განმავლობაში,  სასწავლო/კვლევითი საქმიანობის ინგლისურ ენაზე განხორციელების დამადასტურებელი დოკუმენტის წარმოდგენის შემთხვევაში;
• ინგლისურენოვანი დიპლომამდელი ან დიპლომისშემდგომი პროგრამის დასრულების, დამადასტურებელი დოკუმენტის წარმოდგენის შემთხვევაში;
• ინგლისური ენის, სულ მცირე, B2 დონის ცოდნის დამადასტურებელი საერთაშორისოდ აღიარებული სერტიფიკატის  (IELTS, TOEFL, Cambridge English, UNIcert, EnglishScore და სხვ.) წარმოდგენის შემთხვევაში;

თ) სასწავლო კურსის სილაბუსი; 

შენიშვნა: უმაღლეს საგანმანათლებლო დაწესებულებაში არ შეიძლება დასაქმდეს „სქესობრივი თავისუფლებისა და ხელშეუხებლობის წინააღმდეგ მიმართულ დანაშაულთან ბრძოლის შესახებ“ საქართველოს კანონით გათვალისწინებული სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისათვის ნასამართლევი პირი ან/და პირი, რომელსაც იმავე კანონის საფუძველზე სასამართლომ ჩამოართვა საგანმანათლებლო დაწესებულებაში საქმიანობის უფლება. უნივერსიტეტი ვალდებულია პირისათვის შესაბამისი საქმიანობის განხორციელების უფლების მინიჭებამდე მოსთხოვოს მას წარმოადგინოს:

• ცნობა „სქესობრივი თავისუფლებისა და ხელშეუხებლობის წინააღმდეგ მიმართულ დანაშაულის ჩადენისთვის ნასამართლობის შესახებ“;
• ცნობა „უფლების ჩამორთმევის შესახებ“.

 

პროფესორი აკადემიურ თანამდებობაზე აირჩევა 8 (რვა) წლის ვადით;

ასოცირებული პროფესორი აკადემიურ თანამდებობაზე აირჩევა 6 (ექვსი) წლის ვადით;

ასისტენტ-პროფესორი და ასისტენტი აკადემიურ თანამდებობაზე აირჩევა 4 (ოთხი) წლის ვადით;

 

დასაქმებულის შრომის ანაზღაურების ოდენობა და გაცემის წესი დადგინდება შესარჩევ კანდიდატთან დამატებითი შეთანხმებით.

კონკურსთან დაკავშირებით დამატებითი ინფორმაციისთვის  მიმართეთ უნივერსიტეტის საქმისწარმოების  მენეჯერს (ც. ხითარიშვილი) ტელ: 577347700, ელექტრონული ფოსტა info@sabauni.edu.ge .

საბუთების მიღება განხორციელდება  2025 წლის 18 თებერვლიდან 19 თებერვლის ჩათვლით ელექტრონულ ფოსტაზე info@sabauni.edu.ge. ან უნივერსიტეტში მისამართზე: კალისტრატე ქუთათელაძის ქ.N 3, 205 კაბინეტში.  დოკუმენტაციის მიღებაზე პასუხისმგებელი პირი  ციცინო ხითარიშვილი, ტელ: 577347700.

საკონკურსო კომისია მუშაობას  განახორციელებს 2025 წლის 20 თებერვლიდან.

კონკურსის შედეგები გამოცხადდება 2025 წლის  24 თებერვლამდე.

კონკურსის შედეგები კანდიდატებს ეცნობებათ პერსონალური ელექტრონული ფოსტის მისამართზე შეტყობინების გაგზავნით.