ანტიდისკრიმინაციული სამართლის ცენტრი
ანტიდისკრიმინაციული სამართლის ცენტრი დაარსდა 2021 წლის ნოემბერში და მისი უმთავრესი ღირებულებებია: ღირსება, თავისუფლება, თანასწორობა. ანტიდისკრიმინაციული სამართლის ცენტრი აერთიანებს მკვლევარებს, ადვოკატებს, ადამიანის უფლებებათა დამცველ აქტივისტებს და სტუდენტებს.
ხედვა
ჩვენ გვჯერა თავისუფალი, თანასწორი, მრავალფეროვანი საზოგადოების იდეის და იმის, რომ თითოეულ ინდივიდს აქვს უფლება, თავისუფლად და დისკრიმინაციის გარეშე ისარგებლოს ეროვნული და საერთაშორისო სამართლის მიერ უზრუნველყოფილი სამოქალაქო, პოლიტიკური, სოციალური, ეკონომიკური და კულტურული უფლებებით. ადამიანის უფლებებისა და თავისუფლებების დაცვა წარმოადგენს საქართველოში მშვიდობისა და დემოკრატიის შენების წინაპირობას.
მიზანი
ანტიდისკრიმინაციული სამართლის ცენტრის მიზანი ადამიანის უფლებების, თანასწორობისა და ანტიდისკრიმინაციული სამართლის შესახებ ცნობიერების ამაღლებაა, რისთვისაც ცენტრი ჩართულია სხვადასხვა საგანმანათლებლო აქტივობებში და აქტიურად თანამშრომლობს ადგილობრივ და საერთაშორისო სივრცეში უნივერსიტეტებთან, ორგანიზაციებთან და სხვადასხვა ინსტიტუტებთან. ცენტრის ძირითად აქტივობებს შორისაა კონფერენციები, ტრენინგები, ვორქ-შოფები, საჯარო ლექციები, საჯარო დისკუსიები, იმიტირებული სასამართლო პროცესები და ა.შ. ანტიდისკრიმინაციული სამართლის ცენტრი ახორციელებს კვლევით საქმიანობას და მისი მიზანია ანტიდისკრიმიანციული სამართლის მეცნიერული განვითარების პოპულიზება და იურისტების, მკვლევრების და ყველა სხვა დაინტერესებული პირის წახალისება. ამასთან, თანასწორობისა და დისკრიმინაციის საქმეებზე ცენტრი დაინტერესებულ პირებს სთავაზობს კონსულტაციებს.