ფაკულტეტის შესახებ

ფაკულტეტის შესახებ

სოციალურ მეცნიერებათა ფაკულტეტი, როგორც საგანმანათლებლო სტრუქტურული ერთეული ახორციელებს საგანმანათლებლო პროგრამებს სწავლების საბაკალავრო საფეხურზე. 

სოციალურ მეცნიერებათა ფაკულტეტი, უნივერსიტეტის მისიისა და სტრატეგიული გეგმიდან გამომდინარე, მიზნად ისახავს მოამზადოს ერთი მხრივ, ფართო და ინტერდისციპლინური განათლებისა და ცოდნის სწრაფად განახლების უნარის მქონე სპეციალისტი. მეორე მხრივ, კონკურენტუნარიანი, კვალიფიციური, მაღალი სამოქალაქო პასუხისმგებლობისა და პროფესიული ეთიკის მქონე შესაბამისი დარგის სპეციალისტი.

სოციალურ მეცნიერებათა ფაკულტეტი 4 საგანმანათლებლო პროგრამას ახორციელებს. კერძოდ:

• საერთაშორისო ურთიერთობების საბაკალავრო პროგრამა;

• პოლიტიკის მეცნიერების საბაკალავრო პროგრამა;

• ფსიქოლოგიის საბაკალავრო პროგრამა;

• სოციოლოგიის საბაკალავრო პროგრამა;

ზემოთ აღნიშნული საგანმანათლებლო პროგრამების განმახორციელებელი აკადემიური და მოწვეული პერსონალი დაკომპლექტებულია როგორც ადგილობრივი, ასევე უცხოელი მაღალკვალიფიციური პროფესორებით, რომელთა ლექცია-სემინარები სწავლების თანამედროვე მეთოდების გამოყენებით მიმდინარეობს. ამავდროულად, სემესტრში რამდენჯერმე, აკადემიური და ადმინისტრაციული სასწავლო მობილობის ფარგლებში, საერთაშორისო პარტნიორი უნივერსიტეტების პროფესორები ფაკულტეტს ლექციებისა და ტრენინგ-კურსების ჩატარების მიზნით სტუმრობენ.

სოციალურ მეცნიერებათა ფაკულტეტი სტუდენტთა პროფესიული უნარ-ჩვევების გამომუშავებაზეა მიზანმიმართული. აღნიშნულის მისაღწევად, ფაკულტეტი მაქსიმალურად უწყობს ხელს სტუდენტთა აქტიურ ჩართვას კურიკულუმის გარეშე აქტივობებში - სხვადასხვა სახისა და შინაარსის პროექტებში, ადგილობრივ თუ საერთაშორისო სამეცნიერო კონფერენციებსა და სხვა სახის ღონისძიებაში.

სოციალურ მეცნიერებათა ფაკულტეტი აქტიურად თანამშრომლობს ევროპულ უნივერსიტეტთან, მათ შორის, პოლონეთის, საფრანგეთის, იტალიის, გერმანიის, ესპანეთისა და სხვ. წამყვანი უნივერსიტეტების შესაბამის ფაკულტეტებთან და კვლევით ცენტრებთან.

სტუდენტებს ვთავაზობთ გაცვლით პროგრამებს, როგორც Erasmus + და სხვა გრძელვადიანი სასწავლო მობილობის, ასევე მოკლევადიან პროგრამებს, საერთაშორისო ზამთრისა და საზაფხულო სკოლებს, საერთაშორისო ტრენინგ-კურსებსა და სხვა. განსაკუთრებით აღსანიშნავია კათოლიკური უნივერსიტეტების ევროპული ფედერაციის (FUCE) სტიპენდია, რომელიც სპეციალურად სულხან-საბა ორბელიანის უნივერსიტეტის თეოლოგიისა და სოციალურ მეცნიერებათა ფაკულტეტების სტუდენტებისთვისაა განკუთვნილი.

სამეცნიერო საქმიანობის წარმართვა ფაკულტეტის პრიორიტეტია. ამ მიზნით, გამოიცა და ითარგმნა არაერთი წიგნი, სახელმძღვანელო და სტატია. ფაკულტეტზე მოქმედებს მიშელ მუსხელის ევროპული კვლევების ცენტრი.

სოციალურ მეცნიერებათა ფაკულტეტი ორიენტირებულია კვლევით საქმიანობასა და პროექტებში სტუდენტების ჩართვაზე.