სამართალი (ბაკალავრი)

სამართალი (ბაკალავრი)

სპეციალობა: სამართალი

მისანიჭებელი აკადემიური ხარისხი: სამართლის ბაკალავრი

კოდი ცნობარში: 0880108

სწავლის ხანგრძლივობა: 4 წელი (240 კრედიტი)

სწავლების ენა: ქართული

წლიური გადასახადი: 2500 ლარი

პროგრამაზე ჩარიცხვის პირობები: ჩასაბარებელი სავალდებულო საგნები: ქართული ენა და ლიტერატურა, უცხო ენა (გერმანული, ფრანგული, რუსული ან ინგლისული), არჩევითი-სავალდებულო საგნები: ისტორია, სამოქალაქო განათლება ან მათემატიკა.

მისაღები კონტიგენტი: 120

პროგრამის ხელმძღვანელი: ნინო ქათამაძე, დიმიტრი გეგენავა 

სამართლის  საბაკალავრო საგანმანათლებლო პროგრამის მიზანია სტუდენტს შესძინოს: 

  • ფართო თეორიული ცოდნა ეროვნული სამართლის სისტემის ძირითადი თავისებურებების, პრინციპებისა და ინსტიტუტების, ზოგადსამართლებრივი პრინციპების, სამართლის პოლიტიკური, საზოგადოებრივი, ფილოსოფიური, ისტორიული და ეკონომიკური ასპექტების შესახებ;

  • სიღრმისეული ცოდნა საჯარო, კერძო, საერთაშორისო და სისხლის სამართლის დარგებში. 

  • საკანონმდებლო ცვლილებების, სასამართლო პრაქტიკისა და მეცნიერული სიახლეებისადმი ყურადღების  მიდევნების, აგრეთვე კომუნიკაციის, ცოდნის მუდმივი განახლებისა და სწავლის უნარი;

  • სამართლის სფეროში მიღებული ცოდნის პრაქტიკულ საქმიანობაში ეფექტურად გამოყენების უნარი და სპეციალობით საქმიანობისათვის აუცილებელი სხვა უნარები;

  • სამართლის სფეროში სამართლებრივი პრობლემების დამოუკიდებლად გადაჭრის, აგრეთვე საკითხის შეფასების, ანალიზის, მსჯელობის, დასაბუთების, ამოცანების გადაწყვეტისთვის აუცილებელი უნარები;

  • სამართლის სფეროში პრაქტიკული საქმიანობისას სამართლიანობის, ადამიანის უფლებების, სოციალური და დემოკრატიული ფასეულობების დაცვის უნარი.

 სამართლის საბაკალავრო საგანმანათლებლო პროგრამის  მთავარი ღირებულება ისაა, რომ სტუდენტებს სთავაზობს პრაქტიკულ სწავლებას. თანამედროვე გამოწვევებზე ორიენტირებული სასწავლო კურსებიდან გამოირჩევა: 

  • ანტიდისკრიმინაციული სამართალი

  • კერძო სამართლის პრაქტიკული კურსი

  • საჯარო სამართლის პრაქტიკული კურსი

  • სისხლის სამართლის პრაქტიკული კურსი

  • საპროცესო უნარ-ჩვევები

  • სამართლებრივი წერა

სამართლის საბაკალავრო საგანმანათლებლო პროგრამის ფარგლებში სტუდენტი სწავლობს ყველა იმ სამართლებრივი დოკუმენტის დაწერას, რაც შეიძლება იურისტს დასჭირდეს პრაქტიკაში, მათ შორის: სარჩელი, შესაგებელი, სააპელაციო საჩივარი, განჩინება, საბრალდებო დასკვნა, ჩხრეკის ოქმი, ადმინისტრაციული საჩივარი, სამართლებრივი წერილი, მემორანდუმი და სხვა.

პროგრამის დასრულების შემდეგ კურსდამთავრებულები შეძლებენ იურიდიული საქმიანობის განსახორციელებლად დასაქმდნენ: 

  • საკანონმდებლო და აღმასრულებელი ხელისუფლების ორგანოებში;

  • სასამართლო ორგანოებში;

  • სამართალდამცავ და სხვა მაკონტროლებელ ორგანოებში; 

  • საჯარო და კერძო სამართლის იურიდიულ პირებში ან სხვა არასამეწარმეო (არაკომერციულ) ორგანიზაციებში.

სამართლის საბაკალავრო პროგრამა