ზოგადი ინფორმაცია
ძვირფასო სტუდენტებო, კეთილი იყოს თქვენი მოსვლა საბაუნიში. გმადლობთ რომ აირჩიეთ საბაუნი თქვენი ერასმუს+ მობილობის გასატარებლად. ვიმედოვნებთ, რომ თქვენ საინტერესო და სასარგებლო სემესტრს გაატარებთ ჩვენთან.
სულხან-საბა ორბელიანის უნივერსიტეტის საერთაშორისო ურთიერთობების სამსახური მზადაა უპასუხოს თქვენს ნებისმიერ შეკითხვას და გიმასპინძლოთ ჩვენს უნივერსიტეტში
ჩარიცხვა
იმისათვის, რომ ერასმუს+ სასწავლო მობილობით ერთი სემესტრი ისწავლოთ ჩვენთან, უნდა დაუკავშირდეთ თქვენი უნივერსიტეტის საერთაშორისო ურთიერთობების განყოფილებას, მიიღოთ მონაწილეობა კონკურსში და გადალახოთ ყველა შიდა ბარიერი. თქვენი მშობლიური უნივერსიტეტის მიერ მოწოდებულ ნომინირებულთა სიას განიხილავს შესარჩევი კომისია და ამის საფუძველზე მოხდება ჩარიცხვა. საბოლოო გადაწყვეტილების შემდეგ, საბაუნის საერთაშორისო ურთიერთობების სამსახური დაგიკავშირდებათ მობილობის დასაგეგმად.
საცხოვრებელი
სულხან-საბა ორბელიანის უნივერსიტეტს გააჩნია სტუდენტთა საერთო საცხოვრებელი, რომლით სარგებლობა შეუძლიათ ქართველ სტუდენტებთან ერთად, გაცვლითი პროგრამით მოსარგებლე სტუდენტებსაც.
საერთაშორისო ურთიერთობების სამსახური მზად არის დახმარება აღმოუჩინოს ჩამომსვლელ სტუდენტებს სახლის/ბინის მოძებნაში.
დაზღვევა
საბაუნიში, მობილობით ჩამოსული სტუდენტი ვალდებულია ჰქონდეს ჯანმრთელობის დაზღვევა მობილობის მთელ პერიოდში. იმ შემთხვევაში, თუ სტუდენტს არ გააჩნია დაზღვევა, საერთაშორისო ურთიერთობების სამსახური დაეხმარება მის შეძენაში (ინფორმაციის მიწოდება სადაზღვეო კომპანიებისა და მათი შეთავაზებების შესახებ, სადაზღვეო აგენტთან შეხვედრის დაგეგმვა).
ვიზა
2014 წლის 1 სექტემბერს საქართველოში ამოქმედდა ახალი სავიზო პოლიტიკა. განისაზღვრა იმ ქვეყნების სია, რომელთა მოქალაქეებს (მოქალაქეობის არმქონე პირებს) მოკლევადიანი ვიზიტების შემთხვევაში, საქართველოში უვიზოდ შემოსვლის უფლება აქვთ. ვრცლად სავიზო რეგულაციებთან დაკავშირებული ინფორმაცია შეგიძლიათ იხილოთ საქართველოს საკონსულო მომსახურების ვებ-გვერდზე: www.geoconsul.gov.ge.
უცხოელს მოკლევადიანი ვიზის საფუძველზე შესაძლებლობა აქვს საქართველოს ტერიტორიაზე იმყოფებოდეს 90 დღის განმავლობაში 180 დღიან პერიოდში. საქართველოს გრძელვადიანი ვიზა გაიცემა 90 დღის ხანგრძლივობით და არის საქართველოში ბინადრობის ნებართვის მოპოვების წინაპირობა.
საკონტაქტო ინფორმაცია
- შორენა პარუნაშვილი
- საერთაშორისო ურთიერთობების მენეჯერი
- ელ/ფოსტა: ir@sabauni.edu.ge
- Tel.: +995 32 242 22 42/115
- Cell: +995 577 34 77 13