ENHANCE-GSL
Erasmus+ KA2 CBHE ინსტიტუციური განვითარების პროექტი „მდგრადი სამოქალაქო ჩართულობის შესაძლებლობების გაძლიერება საქართველოსა და სიერა ლეონეს მაგალითზე“ მიზნად ისახავს სამოქალაქო ჩართულობის შესახებ საზოგადოებაში ცნობიერების ამაღლებას და უნივერსიტეტების შესაძლებლობების გაძლიერებას სამოქალაქო ჩართულობების მიმართულებით.
პროექტის ფარგლებში პარტნიორ უნივერსიტეტებში დაფუძნდება სპეციალური სტრუქტურული ერთეული, რომელიც პასუხისმგებელი იქნება სამოქალაქო ჩართულობების თემატიკაზე სხვადასხვა ღონისძიებების დაგეგმვა/ განხორციელებაზე. გარდა ღონისძიებების დაგეგმვაზე, ეს სტრუქტურული ერთეული პასუხისმგებელი იქნება ამ აქტივობების კურიკულუმებში ინტეგრირების შესახებ ინიციატივის წარდგენასა და შესაბამისი პირების გადამზადებაზე. პროექტის ფარგლებში ჩატარდება საინფორმაციო ტრენინგი პერსონალისათვის და ასევე ტრენერთა ტრენინგი. გადამზადებული ტრენერები შემდგომში ტრენინგებს ჩაატარებენ როგორც პერსონალის, ასევე სტუდენტებისათვის.
პროექტის ფარგლებში დაგეგმილია სახელმძღვანელოს შემუშავება, რომელიც ხელმისაწვდომი იქნება ინგლისურ და ქართულ ენებზე.
პროექტის ხანგრძლივობა ორი წელი (2024-2026).
პროექტში ჩართულია ორი ქართული უნივერსიტეტი (საქართველოს უნივერსიტეტი (კოორდინატორი), სულხან-საბა ორბელიანის უნივერსიტეტი); ორი უნივერსიტეტი სიერა ლეონედან (მაკენის უნივერსიტეტი, სიერა ლეონეს უნივერსიტეტი); ერთი ხორვატული უნივერსიტეტი (რიეკას უნივერსიტეტი) და ერთი სლოვაკური უნივერსიტეტი (მატეი ბელის უნივერსიტეტი ბანსკა-ბისტრიცაში).
პროექტის კოორდინატორია საქართველოს უნივერსიტეტი.