საჯარო მმართველობა

საჯარო მმართველობა

პროგრამის სახელწოდება : საჯარო მმართველობა
სწავლების ენა: ქართული
მისანიჭებელი აკადემიური ხარისხი: საჯარო მმართველობის მაგისტრი
პროგრამის ხელმძღვანელი: ლიანა გიორგაძე, გიორგი გორაძე
სწავლის საფასური: 2500 ლარი
სწავლის ხანგრძლივობა: 2 წელი (120 ECTS კრედიტი)

საჯარო მმართველობის სამაგისტრო პროგრამაზე მოსახვედრად საჭიროა სამაგისტრო გამოცდებზე 4 გამოცდიდან 3 გამოცდაზე დააგროვოთ კომპეტენციის ზღვარის შესაბამისი ქულები. 

საჯარო მმართველობის სამაგისტრო პროგრამის მიზანია სტუდენტს შესძინოს მულტიდისციპლინური, ღრმა და სისტემური ცოდნა:

• საჯარო მმართველობის, საჯარო მმართველობის განხორციელების სამართლებრივი ინსტრუმენტების, საჯარო ფინანსების მართვის, საჯარო მმართველობის ძირითადი ღირებულებებისა და პრინციპების, ასევე ეთიკური სტანდარტის შესახებ;

• საქართველოს სახელმწიფო მოწყობის, ადგილობრივი თვითმმართველობის ფუნქციონირების, საქართველოს ევროინტეგრაციის პროცესის შესახებ.

 საჯარო მმართველობის სამაგისტრო პროგრამის  მიზანია სტუდენტს გამოუმუშაოს:

• საჯარო მმართველობისა და სამოხელეო სამართლის სფეროში არსებულ კომპლექსურ პრობლემების კრიტიკულად გააზრების და პრობლემური საკითხების გადაწყვეტის ოპტიმალური გზების შემუშავების უნარი;

• სხვადასხვა ადმინისტრაციული აქტის შედგენის უნარი;

• საჯარო მმართველობის სფეროში კონკრეტული საკითხის გადასაწყვეტად კანონმდებლობით განსაზღვრული წარმოების დაგეგმვისა და განხორციელების უნარი; 

• საჯარო მმართველობის სფეროში აკადემიური წერის ტექნიკის საშუალებით კვლევის დამოუკიდებლად დაგეგმვისა და შესრულების უნარი;

• საჯარო სამსახურში ყოველდღიურ პროცესებში მნიშვნელოვანი გადაწყვეტილებებს  დამოუკიდებლად მიღების უნარი;

 ლექციებს უძღვებიან როგორც მოქმედი საჯარო მოხელეები, რომლებიც თავიანთ ცოდნასა და გამოცდილებას უზიარებენ სტუდენტებს, ისე მაღალკვალიფიციური  მეცნიერები, რომელთა ლექციები მიმდინარეობს სწავლების თანამედროვე მეთოდების გამოყენებით.

 სამართლის სამაგისტრო პროგრამა გამოირჩევა ექსკლუზიური და პრაქტიკული სასწავლო კურსების სიმრავლით:

• საჯარო მმართველობა და სამოხელეო სამართალი;

• საქართველოს სახელმწიფო მოწყობა;

• საჯარო დაწესებულებების ორგანიზაციული სტრუქტურა და მართვა;

• სტრატეგიული დაგეგმარება და პოლიტიკის დოკუმენტების შექმნა;

• საჯარო მმართველობის კონტროლის მექანიზმები;

• ადამიანური რესურსების მართვა საჯარო სამსახურში;

• პერსონალურ მონაცემთა დაცვა და ინფორმაციის თავისუფლება;

• პროექტმენეჯმენტი;

• საჯარო მმართველობა და ქვეყნის ანტიკორუფციული პოლიტიკა;

 ზოგიერთი საგანი არის სამკრედიტიანი და ნახევარ სემესტრში მთავრდება. ეს სტუდენტებს საშუალებას აძლევს სემესტრის განმავლობაში ბევრი ისეთი საგანი გაიარონ, რაც აინტერესებთ და პრაქტიკაში გამოადგებათ.

პრაქტიკული კომპონენტის ფარგლებში სტუდენტებს საშუალება აქვთ ჩაატარონ კვლევა ან პრაქტიკა გაიარონ რომელიმე საჯარო უწყებაში.

საჯარო მმართველობის სამაგისტრო პროგრამის მნიშვნელოვანი ნაწილია კვლევის კომპონენტი - სამაგისტრო ნაშრომი.

ფაკულტეტი აქვეყნებს საუკეთესო სამაგისტრო ნაშრომებს. ამით ხელს უწყობს სტუდენტთა სამეცნიერო კვლევებში ჩაბმას, სამეცნიერო მუშაობის წახალისებას და  სამომავლოდ კვალიფიციური პედაგოგების მომზადებას.

საჯარო მმართველობის სამაგისტრო პროგრამა.