გაცემის წესი
სულხან-საბა ორბელიანის უნივერსიტეტი სტუდენტების სწავლის, ასევე მათი მხრიდან სხვადასხვა აქტივობებში მონაწილეობის წახალისების მიზნით, უნივერსიტეტის მიერ დადგენილი წესების შესაბამისად, გასცემს სტიპენდიებს სულხან-საბა ორბელიანის უნივერსიტეტის სტუდენტებზე.
სტიპენდიის გაცემის კრიტერიუმები:
აკადემიური მოსწრება - 65 ქულა
აკადემიურ მოსწრების კომპონენტი იყოფა ორ ნაწილად:
- ინგლისური ენა - 35 ქულა;
- სხვა სასწავლო კურსები - 30 ქულა.
აქტივობა - 35 ქულა
აქტივობად, სტიპენდიის გაცემის მიზნებისთვის, ითვლება
- ფაკულტეტის ინიციატივით სხვადასხვა ღონისძიებში (როგორიცაა საჯარო ლექცია, კონფერენცია, ტრენინგი, სემინარი, ოლიმპიადა და სხვა დაგეგმვა-განხორციელებაში) მონაწილეობა;
- სტატიის გამოქვეყნება;
- უნივერსიტეტის PR აქტივობებში მონაწილეობა,
- სკოლებთან, დამსაქმებლებთან და სხვა დაწესებულებებთან კავშირების დამყარება
- და სხვა კულტურულ-საგანმანათლებლო ხასიათის ღონისძიება, რომელშიც მონაწილეობს საბაუნის სტუდენტი.
სტიპენდიის გაცემა წარმოადგენს უნივერსიტეტის დისკრეციული უფლებამოსილების სფეროს.
უფრო ვრცლად სტიპენდიის გაცემის წესთან დაკავშირებით ნახეთ სტიპენდიის გაცემის წესი
სტიპენდიები
სულხან-საბა ორბელიანის უნივერსიტეტში მოქმედებს რამდენიმე სახის სტიპენდია:
საბას სტიპენდია
სულხან-საბა ორბელიანის სახელობითი სტიპენდია, რომელსაც იღებს ფაკულტეტზე თითო, ყველაზე მაღალი რეიტინგის მქონე სტუდენტი.
საფაკულტეტო სტიპენდია
საფაკულტეტო სტიპენდია გაიცემა რეიტინგული სიის მიხედვითსულხაბას სტიპენდიის შემდეგ ადგილებზე მყოფ სტუდენტებზე (გარდა ბიზნესისა და ტურიზმის ფაკულტეტისა):
- სამართლის ფაკულტეტზე - 10 სტიპენდია
- ბიზნესისა და ტურიზმის ფაკულტეტზე - 3 სტიპენდია
- ჰუმანიტარული და სოციალური მეცნიერებების ფაკულტეტზე - 1 სტიპენდია
ბაზის ბანკის სტიპენდია
ექსკლუზიურად სულხან-საბა ორბელიანის უნივერსიტეტის სტუდენტებისთვის 2014-2015 სასწავლო წლიდან გაიცემა ბაზის ბანკის სახელობის სტიპენდია, რომელსაც იღებს ბიზნესისა და ტურიზმის ფაკულტეტის ხუთი სტუდენტი (რეიტინგული სიიდან)
მიხეილ თამარაშვილის სახელობის სტიპენდია
მიხეილ თამარაშვილის სახელობის სტიპენდია არის ჰუმანიტარული და სოციალური მეცნიერებების ფაკულტეტის ექსკლუზიური სტიპენდია. სტიპენდიას იღებს ფაკულტეტის რეიტინგში მეორე სტუდენტი.
საადვოკატო ბიურო "მიგრიაული და პარტნიორების" სტიპენდია
საადვოკატო ბიურო "მიგრიაული და პარტნიორების" სტიპენდია არის სამართლის ფაკულტეტის ექსკლუზიური სტიპენდია. სტიპენდია გაიცემა რამდენიმე კრიტერიუის მიხედვით, კერძოდ:
სტუდენტების შერჩევა ხდება რეიტინგული სიიდან, უნივერსიტეტის მიერ გაცემული საფაკულტეტო სტიპენდიის სიის მიღმა დარჩენილი 4 სტუდენტიდან, რომლებსაც კერძო სამართლის მიმართულებაში მაღალი აკადემიური მოსწრება ექნება.