20ნოე,2026
Erasmus+ პერსონალის მობილობა კადისის უნივერსიტეტში
ადგილი:კალისტრატე ქუთათელაძის 3
განთავსების თარიღი:11/20/2026
ცხადდება საბუთების მიღება ევროკომისიის მიერ დაფინანსებული Erasmus+ პერსონალის მობილობის პროგრამაში მონაწილეობის მისაღებად, რომელიც განხორციელდება კადისის უნივერსიტეტში.
კონკურსი განკუთვნილია საბაუნის სამართლის ფაკულტეტის აფილირებული პერსონალისათვის, რომლებიც კარგად ფლობენ ინგლისურ ენას და აქვთ სურვილი, ლექციები ჩაატარონ ჩვენს პარტნიორ უნივერსიტეტში.
პროგრამა ითვალისწინებს მგზავრობისა და ყოველდღიური ხარჯების დაფინანსებას.
აკადემიური პერსონალის მობილობა წარმოადგენს მოკლევადიან ვიზიტს მასპინძელ უნივერსიტეტში (5 სამუშაო დღე და 2 დღე მგზავრობისთვის), რომლის ფარგლებშიც პერსონალი მიმღებ უნივერსიტეტში ატარებს ლექციებს, საჯარო ლექციას ან სხვა აკადემიურ ღონისძიებას (ჯამში 8 აკადემიური საათი).
წარმოსადგენი დოკუმენტაცია:
- უცხო ენის ცოდნის დამადასტურებელი სერტიფიკატი B2 (TOEFL, IELTS) ან ცნობა, რომ აკადემიურ პირს აქვს უცხო ენაზე ლექციის წაკითხვის უნარი;
- სამოტივაციო წერილი ინგლისურ ენაზე;
- ორივე მხარის მიერ ხელმოწერილი მობილობის ხელშეკრულება (ჩამოტვირთეთ აქედან);
- CV Europass-ის ფორმატში.
დაინტერესებული პირი უნდა დაუკავშირდეს კადისის უნივერსიტეტის კონკრეტული კურსის პროფესორს, გაუგზავნოს CV და მობილობის ხელშეკრულება და შეათანხმოს თემატიკა და მობილობის ვადები.
მიმღები უნივერსიტეტის ფაკულტეტის მოთხოვნებს გაეცანით ბმულზე:
აკადემიური მობილობა უნდა განხორციელდეს 2027 წლის 1 მარტიდან 31 ივლისამდე პერიოდში.
დაინტერესებულმა პირებმა დოკუმენტაცია უნდა გადმოაგზავნონ ელ.ფოსტაზე: ir@sabauni.edu.geარაუგვიანეს 2026 წლის 30 ნოემბრისა.
საბუთების მიღების შემდეგ, შესარჩევი კომისიის მიერ განაცხადების გადარჩევისა და შეფასების შემდეგ, მიმღებ უნივერსიტეტთან კონსულტაციის საფუძველზე, შერჩეულ კანდიდატებს დაეგზავნებათ საბოლოო პასუხები.
მნიშვნელოვანი ვადები:
-
30 ნოემბერი - განაცხადების მიღება;
-
30 ნოემბრის კვირა - შესარჩევი კომისიის მიერ კანდიდატების შერჩევა;
-
დეკემბერი - მიმღები უნივერსიტეტის შესარჩევი კომისიის მიერ საბოლოო გადაწყვეტილების მიღება და შერჩეული კანდიდატების ინფორმირება.
შეფასების კრიტერიუმები:
- უცხო ენაზე ლექციის ჩატარების უნარი (აკადემიური პერსონალი) - 3 ქულა;
- აკადემიური/ადმინისტრაციული საქმიანობა უნივერსიტეტში (რამდენად აქტიურად არის ჩართული საუნივერსიტეტო საქმიანობაში) – 3 ქულა;
- ჩასატარებელი ლექციების შინაარსი (აკადემიური პერსონალი) - 3 ქულა;
- რელევანტურობა გამოცხადებულ მობილობის მიმართულებასთან - 3 ქულა;
- მობილობის მოსალოდნელი შედეგები - 3 ქულა.
(სადაც 1 = საშუალოზე დაბალს; 2 = საშუალოს; 3 = კარგს).
თანაბარი შეფასების შემთხვევაში უპირატესობა მიენიჭება პირს, რომელსაც Erasmus+ პერსონალის მობილობის პროგრამაში მონაწილეობის გამოცდილება არ აქვს.
კითხვების შემთხვევაში, დაგვიკავშირდით: ir@sabauni.edu.ge; +995 322 422 242 / 115