DAAD საზაფხულო ენის კურსები გერმანიის უნივერსიტეტებში

ცხადდება რეგისტრაცია DAAD საზაფხულო კურსებზე დაფინანსების მოსაპოვებლად. პროგრამის ფარგლებში სტუდენტები ისწავლიან გერმანულ ენას გერმანულ უნივერსიტეტების მიერ შემოთავაზებულ კურსებზე (ივნისი - სექტემბერი). კურსები ძირითადად 3-4 კვირას გრძელდება.

კონკურსში მონაწილეობა შეუძლია საბაკალავრო საფეხურის მე-2 და მე-3 კურსის, ასევე მაგისტრატურის პირველი კურსის სტუდენტებს.

სასწავლო ენა - გერმანული

ფინასდება:

• ერთჯერადი სტიპენდია (1192 ევრო)*
• მგზავრობა (675 ევრო)
• დაზღვევა (ჯანმრთელობის, მგზავრობის და მესამე პირის)

* კურსის ღირებულება და საცხოვრებელის ხარჯი ავტომატურად გამოიქვითება სტიპენდიიდან და სტუდენტი მიიღებს მხოლოდ დარჩენილ თანხას.

შერჩევა:

აპლიკანტებს შეარჩევს შესარჩევი კომისია შემდეგი კრიტერიუმების მიხედვით:

• აკადემიური მოსწრება
• მოტივაცია (სამოტივაციო წერილის მიხედვით)

აპლიკანტი უნდა ფლობდეს გერმანული ენის ცოდნის დამადასტურებელ შემდეგ სერტიფიკატებს: nSET-Deutsch, TestDaF, Goethe Institut Zertifikat, DSD, DSH, telc Deutsch, ÖSD-Zertifikat და უნდა იყოს გაცემული ბოლო ერთი წლის მანძილზე. B2 დონის სერტიფიკატი შესაძლებელია გაცემული იყოს უფრო ადრეც.

გერმანული ენის ცოდნის მინიმალური დონეა A2.

რეგისტრაცია მიმდინარეობს ონლაინ, DAAD პორტალზე 2024 წლის 2 დეკემბრის ჩათვლით (23:59 CET).

პლატფორმაზე რეგისტრაციისათვის ეწვიეთ ბმულს.

რეგისტრაციისათვის საჭირო დოკუმენტაცია:

• ონლაინ აპლიკაციის ფორმა
• სრული ტაბელარული CV გერმანულ ენაზე (ცხრილის ფორმატი, მარცხნივ თარიღები, მარჯვნივ სახელწოდება და აღწერა)
• სამოტივაციო წერილი გერმანულ ენაზე
• ნიშნების ფურცელი ბოლო ორი წლის (გერმანულ ან ინგლისურ ენაზე თარგმნილი)
• საბაკალავრო პროგრამის სტუდენტებისთვის ატესტატი ნიშნების ფურცლით (გერმანულ ან ინგლისურ ენაზე თარგმნილი)
• სამაგისტრო პროგრამის სტუდენტებისთვის მიმდინარე ნიშნების ფურცელთან ერთად, საბაკალავრო პროგრამის დიპლომის დანართი (ნიშნები) (გერმანულ ან ინგლისურ ენაზე ნათარგმნი)
• ენის სერტიფიკატები (ინგლისურ ან გერმანულ ენაზე ნათარგმნი, არსებობის შემთხვევაში)
• სხვა დოკუმენტები, რომლებიც აპლიკანტის აზრით შესაძლოა მნიშვნელოვანი იყოს აპლიკაციისთვის (მაგ.: სტაჟირების ცნობა, ცნობა სამსახურიდან - ინგლისურ ან გერმანულ ენაზე ნათარგმნი)

შენიშვნა: პირველი ეტაპისთვის არ არის საჭირო თარმგნილი დოკუმენტაციის ოფიცილაური დამოწმება, თუმცა, შესაძლოა შესარჩევმა კომისიამ მოითხოვოს დოკუმენტის დამოწმებული ვერსიები შერჩევის დროს.

გერმანული უნივერსიტეტების მიერ შემოთავაზებული კურსები.

ხშირად დასმული კითხვები გერმანულ ენაზე

კითხვების შემთხვევაში მოგვწერეთ საბაუნის საერთაშორისო ურთიერთობების სამსახურში ელ.ფოსტაზე ir@sabauni.edu.ge (სათაურის ველში მიუთითეთ: DAAD summer courses) ან დაუკავშირდით DAAD საქართველოს ოფისს ელ.ფოსტაზე: info@daad-georgia.org