Erasmus+ დამატებითი კონკურსი კალიშის უნივერსიტეტში

ცხადდება განცხადებების მიღების დამატებითი ეტაპი კალიშის უნივერსიტეტში Erasmus+ ICM სტუდენტების მობილობის პროგრამაში მონაწილეობის მისაღებად. პროგრამის ფარგლებში შერჩეული კანდიდატები 2023-2024 აკადემიური წლის გაზაფხულის სემესტრს გაივლიან კალიშის უნივერსიტეტში (პოლონეთი).

კონკურსში მონაწილეობის მიღება შეუძლიათ ბიზნესისა და ტექნოლოგიების ფაკულტეტის საბაკალავრო პროგრამის სტუდენტებს.

Erasmus+ სასწავლო გრანტი:

ყოველთვიური სტიპენდია: 800 ევრო

მგზავრობის ხარჯი: 275-360 ევრო

პროგრამა არ ფარავს ვიზის მოსაკრებელს და ჯანმრთელობის დაზღვევას

კალიშის უნივერსიტეტის მიერ შემოთავაზებული საგნები ინგლისურ ენაზე.

ინფორმაცია სოციალურ მეცნიერებათა ფაკულტეტის შესახებ.

მონაწილეობის მიღება არ შეუძლიათ:

• პირველი სემესტრის და დამამთავრებელი სემესტრის სტუდენტებს;
• სტუდენტებს, რომელთაც აქვთ ფინანსური დავალიანება;
• სტუდენტებს, რომელთაც არ აქვთ აქტიური სტუდენტის სტატუსი.

შენიშვნა: ფაკულტეტთან შეთანხმების საფუძველზე შესაძლებელია დამამთავრებელი სემესტრის სტუდენტის ჩართვაც მობილობის პროცესში.

წარმოსადგენი დოკუმენტაცია:

• აკადემიური მოსწრების ბარათი; 
• საერთაშორისო პასპორტის ასლი;
• უცხო ენის დამადასტურებელი სერტიფიკატი B2 (TOEFEL, IELTS), ასეთის არსებობის შემთხვევაში (არ არსებობის შემთხვევაში, სტუდენტები ტესტირებას გაივლიან უნივერსიტეტის უცხო ენათა ცენტრში);
• სამოტივაციო წერილი ინგლისურ ენაზე; 
• CV Euro pass ფორმატში;
• რეკომენდაცია ფაკულტეტიდან/საბაუნის პროფესორისაგან.

რეგისტრაციისათვის საჭირო დოკუმენტაციას აპლიკანტი უნივერსიტეტის ელ-ფოსტის ოფიციალური მისამართიდან აგზავნის საერთაშორისო ურთიერთობების მენეჯერის ელ-ფოსტის მისამართზე: ir@sabauni.edu.ge გამოგზავნისას ფოსტის სათაურის ველში მიუთითეთ Erasmus+ KALISZ.

შენიშვნა 1: პარტნიორი უნივერსიტეტის/ორგანიზაციის მოთხოვნების შესაბამისად, შესაძლოა მოთხოვნილ იქნეს დამატებითი დოკუმენტები.
შენიშვნა 2: იმისათვის რომ მობილობის სემესტრში მიღებული კრედიტების აღიარება მოხდეს, სტუდენტმა უნდა გაიაროს ადმინისტრაციული რეგისტრაცია საბაუნიში უცხოეთში წასვლამდე. 

შერჩევის კრიტერიუმებია:
•    აკადემიური მოსწრება - 30%
•    ინგლისური ენა - 40%
•    მოტივაცია - 30%
თანაბარი ქულების შემთხვევაში, უპირატესობა მიენიჭება სტუდენტს სოციალურად დაუცველი ოჯახიდან და ასევე, სტუდენტს, რომელსაც არ აქვს ერასმუს+ პროგრამაში მონაწილეობა მიღებული.

მნიშვნელოვანი ვადები:

15 იანვარი - საბუთების მიღება
16 იანვარი - ტესტირება / გასაუბრება უცხო ენაში
 

შერჩეული კანდიდატები ინფორმაციას საბოლოო გადაწყვეტილების შესახებ მიიღებენ ელ.ფოსტის მეშვეობით.

კითხვების შემთხვევაში, დაგვიკავშირდით საერთაშორისო ურთიერთობების სამსახურში ir@sabauni.edu.ge