პირველკურსელების რეგისტრაცია იწყება

ერთიანი ეროვნული გამოცდების შედეგები უკვე ყველასთვის ცნობილია. 

სრულყოფილი სტუდენტობისთვის აბიტურიენტებს მხოლოდ შიდა რეგისტრაციების გავლა დარჩათ, რომელიც საბაუნიში ხვალ, 1 სექტემბერს დაიწყება და 15 სექტემბრამდე გაგრძელდება. 

საბუთების მიღება მიმდინარეობს ყოველ დღე, კვირის გარდა 10:00 საათიდან 18:00 საათამდე (შაბათი - 10:00 საათიდან 15:00 საათამდე).

ადგილზე წარმოსადგენი დოკუმენტები: 

• განცხადება რექტორის სახელზე (ფორმას სტუდენტი იღებს უნივერსიტეტში);
• სწავლის საფასურის გადახდის დამადასტურებელი ქვითარი (უნივერსიტეტის საბანკო რეკვიზიტი შეგიძლიათ იხილოთ აქ);
• სრული/ზოგადი განათლების დამადასტურებელი დოკუმენტის (შესაბამისი განათლების სხვა ქვეყნის საგანმანათლებლო დაწესებულებაში მიღების შემთხვევაში - განათლების ხარისხის განვითარების ეროვნული ცენტრის მიერ გაცემული განათლების აღიარების დოკუმენტის) დედანი და ასლი;
• პირადობის დამადასტურებელი მოწმობის ან პასპორტის ასლი დედნის წარმოდგენით;
• 2 ნაბეჭდი ფოტოსურათი ზომით 3X4 და ფოტოსურათის ელექტრონული ვერსია CD-ზე;
• სამხედრო აღრიცხვაზე ყოფნის დამადასტურებელი დოკუმენტის დედანი და ასლი (სახმედრო აღრიცხვას დაქვემდებარებულმა პირებმა, საქართველოს მოქალაქეებმა);
• შევსებული სპეციალური განაცხადი-აპლიკაცია, (ფორმაშეგიძლიათ მიიღოთ უნივერსიტეტში ან/და ჩამოტვირთოთ);
• სხვა დოკუმენტი (თუ ასეთის წარდგენის ვალდებულებას ითვალისწინებს საბაკალავრო საგანმანათლებლო პროგრამა ან/და მიმდინარე კანონმდებლობა).

გელოდებით ! 

დამატებითი ინფორმაციისთვის დაგვიკავშირდით ცხელ ხაზზე: 2 42 22 42