სლოვაკეთის მთავრობის სტიპენდიები სტუდენტებისა და პროფესორებისათვის

ცხადდება რეგისტრაცია სლოვაკეთის მთავრობის სტიპენდიების მოსაპოვებლად, რომელიც განკუთვნილია სტუდენტებისა და პროფესორ-მასწავლებლებისათვის. მობილობის დაწყების ყველაზე ადრეული პერიოდია 2025 წლის თებერვალი და ყველაზე გვიანდელი 2025 წლის აგვისტო.

კონკურსი განკუთნილია:

ა) სტუდენტებისთვის:

• რომლებიც არ ირიცხებიან სლოვაკურ უნივერსიტეტებში სრულ განაკვეთზე
• რომლებიც სწავლობენ სამაგისტრო სწავლების საფეხურზე
• აკადემიური მობილობის ფარგლებში შეძლებენ მთელი სემესტრი გაატარონ სლოვაკეთის უნივერსიტეტში

სტიპენდიის ხანგრძლივობა სტუდენტებისთვის 1 ან 2 სემესტრი

ბ) დოქტორანტებისთვის:

• რომლებიც სწავლობენ სლოვაკეთის გარდა რომელიმე ქვეყნის უნივერსიტეტში და ექნებათ სლოვაკური უნივერსიტეტიდან მიღების / თანხმობის წერილი

სტიპენდიის ხანგრძლივობა 1 – 10 თვე

გ) უნივერსიტეტების მასწავლებლებისა / მკვლევარებისთვის

• რომელთაც აქვთ სლოვაკური უნივერსიტეტიდან მიღების წერილი

სტიპენდიის ხანგრძლივობა - 1 – 10 თვე

შენიშვნა: იმ შემთხვევაში, თუ მობილობის პერიოდი არ აღემატება ერთ თვეს, აუცილებელია დროის ხანგრძლივობა მკაფიოდ იყოს განსაზღვრული (კალენდარული ერთი თვე, მაგ.: 5 მარტი - 4 აპრილი)

ვის არ შეუძლია მონაწილეობის მიღება:

• საერთაშორისო სტუდენტებს, რომლებიც სრულ განაკვეთზე სწავლობენ სლოვაკურ უნივერსიტეტებში
• ლექტორებს, მკვლევარებს, რომელთაც არ გააჩნიათ დოქტორის ხარისხი და ამასთან აქვთ 4 წელზე ნაკლები მუშაობის გამოცდილება (სადოქტორო კვლევა ასევე ითვლება როგორც სამუშაო გამოცდილება)
• საერთაშორისო აპლიკანტს, რომელსაც ბოლო 36 თვის მანძილზე სლოვაკეთში ნაცხოვრები აქვს 15 თვეზე მეტ ხანს
• საერთაშორისო აპლიკანტს, რომელიც ფლობს ამავდროულად სხვა სასწავლო/კვლევით დაფინანსებას (Visegrd Fund, Erasmus+, CEEPUS, Bilateral agreement etc).

სტიპენდიის რაოდენობა დამოკიდებულია აპლიკანტის პოზიციაზე:

საბაკალავრო / სამაგისტრო საფეხურის სტუდენტი - 620 ევრო თვეში

დოქტორანტი - 1025,50 ევრო თვეში

უნივერსიტეტის ლექტორი - 1025,50 / 1370 / 1470 ევრო (პროფესიული გამოცდილებიდან გამომდინარე) შესაძლებელია მგზავრობის ხარჯების დაფინანსებაც.

რეგისტრაცია მიმდინარეობს ონლაინ პლატფორმაზე https://www.scholarships.sk/  2025 წლის 31 ოქტომბრის 16:00 (CET) საათამდე.

ონლაინ რეგისტრაციისათვის საჭირო დოკუმენტაცია

ინფორმაციას წარსადგენი დოკუმენტაციისა და სხვა პირობების შესახებ ვრცლად გაეცანით ბმულზე (ინგლისურ ენაზე).

https://www.scholarships.sk/en/main/programme-terms-and-conditions/foreign-applicants

კონკურსში მონაწილეობის მისაღებად საჭიროა სლოვაკური უნივერსიტეტიდან თანხმობის წერილი, საბაუნის საერთაშორისო ურთიერთობების სამსახური მზად არის გაუწიოს დაინტერესებულ პირებს შუამავლობა პარტნიორ უნივერსიტეტებთან.

კითხვების შემთხვევაში, მოგვწერეთ ფოსტაზე: ir@sabauni.edu.ge ან მოგვაკითხეთ საერთაშორისო ურთიერთობების სამსახურში, მეოთხე სართული ოთახი 408

გისურვებთ წარმატებას!