ღია კონკურსი აკადემიური თანამდებობის დასაკავებლად

სულხან-საბა ორბელიანის უნივერსიტეტი  2023 წლის  13 ნოემბრიდან აცხადებს ღია კონკურსს აკადემიური თანამდებობის დასაკავებლად შემდეგ სპეციალობებზე:

სოციალურ მეცნიერებათა ფაკულტეტზე:

1. პოლიტიკის მეცნიერების მიმართულებით - ასოცირებული პროფესორის 2 ვაკანტური ადგილი;
2. უსაფრთხოებისა და თავდაცვის კვლევებისა და საჯარო ადმინისტრირების მიმართულებით ქართულენოვანი და ინგლისურენოვანი პროგრამებისთვის - ასოცირებული პროფესორის 1 ვაკანტური ადგილი;
3. სოციოლოგიის მიმართულებით - ასოცირებული პროფესორის 1 ვაკანტური ადგილი;
4. ფილოლოგიის მიმართულებით - ასოცირებული პროფესორის 1 ვაკანტური ადგილი;
5. ბავშვთა და მოზარდთა ფსიქოლოგიისა და ინკლუზიური განათლების მიმართულებით - ასისტენტის 1 ვაკანტური ადგილი (აფილირების პირობით);
6. კონფლიქტოლოგიის მიმართულებით - ასისტენტის 1 ვაკანტური ადგილი (აფილირების პირობით);

აკადემიურ თანამდებობაზე ასარჩევად დადგენილ ძირითად მოთხოვნებად და შეფასების კრიტერიუმებად განისაზღვროს:

ა) ძირითადი კრიტერიუმი:

• ასოცირებული პროფესორის აკადემიურ თანამდებობაზე შეიძლება აირჩეს დოქტორის ან მასთან გათანაბრებული აკადემიური ხარისხის მქონე პირი, რომელსაც აქვს სამეცნიერო-პედაგოგიური მუშაობის არანაკლებ 3 წლის გამოცდილება.
• ასისტენტის აკადემიურ თანამდებობაზე შეიძლება აირჩეს დოქტორანტი.

ბ) დამატებითი კრიტერიუმები:

• სასწავლო კურსის სილაბუსი;  
• ბოლო 5 წლის განმავლობაში გამოქვეყნებული სამეცნიერო ნაშრომები/პუბლიკაციები; 
• საერთაშორისო გამოქვეყნებები;
• გასაუბრება; 
• საჩვენებელი ლექცია/სასწავლო კურსის პრეზენტაცია;

კონკურსანტი უნდა აკმაყოფილებდეს შესაბამისი აკადემიური თანამდებობისათვის საქართველოს კანონმდებლობით დადგენილ მოთხოვნებს და წარმოადგინოს:

ა) განცხადება საკონკურსო კომისიის სახელზე;

ბ) პირადობის დამადასტურებელი დოკუმენტის (პირადობის მოწმობა) ასლი (უცხო ქვეყნის მოქალაქეობის შემთხვევაში - პასპორტის/პირადობის მოწმობის ასლი და სანოტარო წესით დამოწმებული თარგმანი);

გ) ფოტოსურათი (დაბეჭდილი 3×4 -ზე, ელექტრონული - CD მატარებელზე);

დ) ავტობიოგრაფია (CV);

ე) ბოლო 5 წლის განმავლობაში გამოქვეყნებული სამეცნიერო ნაშრომების/პუბლიკაციების სია;

ვ) კვალიფიკაციის:

• დოქტორის ან მასთან გათანაბრებული აკადემიური ხარისხისა და სამეცნიერო პედაგოგიური გამოცდილების დამადასტურებელი დოკუმენტების ასლი -  ასოცირებული პროფესორის შემთხვევაში;
• მაგისტრის ან მასთან გათანაბრებული აკადემიური ხარისხისა და დოქტორანტურაში სწავლის დამადასტურებელი ცნობა - ასისტენტის შემთხვევაში.

შენიშვნა: უცხოეთში მიღებული განათლების/კვალიფიკაციის დამადასტურებელი დოკუმენტის შემთხვევაში ასევე წარსადგენია ნოტარიულად დამოწმებული ქართულენოვანი თარგმანი და სსიპ - განათლების ხარისხის განვითარების ეროვნული ცენტრის მიერ გაცემული უცხოეთში მიღებული განათლების აღიარების დოკუმენტი.

შენიშვნა: უმაღლეს საგანმანათლებლო დაწესებულებაში არ შეიძლება დასაქმდეს „სქესობრივი თავისუფლებისა და ხელშეუხებლობის წინააღმდეგ მიმართულ დანაშაულთან ბრძოლის შესახებ“ საქართველოს კანონით გათვალისწინებული სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისათვის ნასამართლევი პირი ან/და პირი, რომელსაც იმავე კანონის საფუძველზე სასამართლომ ჩამოართვა საგანმანათლებლო დაწესებულებაში საქმიანობის უფლება. უნივერსიტეტი ვალდებულია პირისათვის შესაბამისი საქმიანობის განხორციელების უფლების მინიჭებამდე მოსთხოვოს მას შესაბამისი ცნობის წარმოდგენა.

• ასოცირებული პროფესორი აკადემიურ თანამდებობაზე აირჩევა 6 (ექვსი) წლის ვადით;
• ასისტენტი აკადემიურ თანამდებობაზე აირჩევა 4 (ოთხი) წლის ვადით.

დასაქმებულის შრომის ანაზღაურების ოდენობა და გაცემის წესი დადგინდება შესარჩევ კანდიდატთან დამატებითი შეთანხმებით.

კონკურსთან დაკავშირებით დამატებითი ინფორმაციისთვის  მიმართეთ უნივერსიტეტის საქმისწარმოების  მენეჯერს (ც. ხითარიშვილი) ტელ: 577347700, ელექტრონული ფოსტა info@sabauni.edu.ge .

საბუთების მიღება განხორციელდება  2023 წლის 14 დეკემბრიდან 15 დეკემბრის  ჩათვლით ელექტრონულ ფოსტაზე info@sabauni.edu.ge. დოკუმენტაციის მიღებაზე პასუხისმგებელი პირი,  ციცინო ხითარიშვილი, ტელ.: 577347700.

საკონკურსო კომისია მუშაობას  განახორციელებს 2023 წლის 18 დეკემბრიდან.

კონკურსის შედეგები გამოცხადდება 2023 წლის  20 დეკემბრამდე.

კონკურსის შედეგები კანდიდატებს ეცნობებათ პერსონალური ელექტრონული ფოსტის მისამართზე შეტყობინების გაგზავნით.