საქმიანობა და ფუნქცია

საქმიანობა და ფუნქცია

სულხან-საბა ორბელიანის უნივერსიტეტის ბიბლიოთეკა წარმოადგენს ძირითად საგანმანათლებლო ერთეულს.

ბიბლიოთეკა მომსახურეობას უწევს სტუდენტებს, აკადემიურ და  ადმინისტრაციულ პერსონალს. უნივერსიტეტის საბიბლიოთეკო რესურსებით სარგებლობის უფლება ეძლევათ უნივერსიტეტის პარტნიორი, ადგილობრივი თუ საზღვარგარეთის საგანმანათლებლო დაწესებულების სტუდენტებს, აკადემიურ და ადმინისტრაციულ პერსონალს. ფონდი მოიცავს სხვადასხვა ენაზე შესრულებულ 20 ათასამდე მონოგრაფიას, წიგნს, პერიოდულ გამოცემას, ელექტრონულ რესურსს და ა.შ. ბიბლიოთეკა მუდმივად ზრუნავს არსებული კოლექციის დაცვასა და განახლებაზე. ხელს უწყობს ხარისხიანი სასწავლო პროცესის განხორციელებას.  ბიბლიოთეკა მკითხველს სთავაზობს მსოფლიოში აღიარებულ, ცნობილ  საერთაშორისო სამეცნიერო ბაზებს.  

ბიბლიოთეკის სარგებლობის წესი 

ბიბლიოთეკა მუშაობს ყოველ დღე, კვირის გარდა:

  • ორშაბათი -პარასკევი: 09:00-21:00 სთ.
  • შაბათი: 09:00- 18:00სთ.

ბიბლიოთეკის ადმინისტრაცია:

ბიბლიოთეკის ფონდი განთავსებულია ელექტრონულ კატალოგში „Open Biblio”, სადაც შესაძლებელია სასურველი ლიტერატურის მოძიება.

საქმიანობა  და ფუნქცია

უნივერსიტეტში მიმდინარე სასწავლო-სამეცნიერო პროცესის ხელშეწყობა. სტუდენტთა, აკადემიური  და ადმინისტრაციული პერსონალის საინფორმაციო და ბიბლიოგრაფიული მოთხოვნების უზრუნველყოფა. საბიბლიოთეკო ფონდების შევსება და უზრუნველყოფა ფაკულტატური სახელმძღვანელოებით და სამეცნიერო-შემეცნებითი ლიტერატურით. არსებული კოლექციების გაზრდა, დაცვა და განთავსება უნივერსალური ათწილადი კლასიფიკაციის (UDC) სქემის მიხედვით.. სილაბუსში  მითითებული ძირითადი ლიტერატურის ხელმისაწვდომობა. ბიბლიოთეკის ინტეგრაცია საერთაშორისო საბიბლიოთეკო ქსელებში. სტუდენტების და პერსონალის წვდომა საერთაშორისო ელექტრონულ სამეცნიერო ბაზებზე. საბიბლიოთეკო რესურსების და სერვისების ეფექტური გამოყენება. მუდმივი კომუნიკაცია სტუდენტებთან, აკადემიურ და ადმინისტრაციულ პერსონალთან. საკონსულტაციო შეხვედრების ჩატარების უზრუნველყოფა საბიბლიოთეკო რესურსებთან და სერვისებთან დაკავშირებით. კომფორტული სამუშაო გარემოს შექმნა.

  • საბიბლიოთეკო ფონდის შევსება, როგორც ქართული, ასევე უცხოური ლიტერატურით;
  • ფაკულტატური ბიბლიოთეკის განვითარება (ციფრული და წიგნადი ფონდით უზრუნველყოფა);
  • ფონდის განახლება დარგში მიმდინარე განვითარებების მიხედვით;
  • საბიბლიოთეკო რესურსებთან და სერვისებთან დაკავშირებით, ინფორმაციის მიწოდება (მაგ.: სტუდენტებისთვის და პერსონალისთვის,  საორიენტაციო შეხვედრების ჩატარება, კონსულტაციები და ა. შ.);
  • კოლექციების გაზრდა მატერიალური და ელექტრონული სახით ( წიგნები, ჟურნალები, CD დისკები).

ბიბლიოთეკით სარგებლობის წესი შეგიძლიათ იხილოთ

  • ბიბლიოთეკაში გაწევრიანება

ბიბლიოთეკა პირველ რიგში განკუთვნილია უნივერსიტეტის სტუდენტთა, აკადემიური და ადმინისტრაციული პერსონალის სარგებლობისათვის. ბიბლიოთეკის რესურსებით სარგებლობის აუცილებელი წინაპირობაა ბიბლიოთეკაში გაწევრიანება. ბიბლიოთეკაში გაწევრიანება ხდება სწავლის პერიოდში ერთხელ.

უნივერსიტეტის საბიბლიოთეკო რესურსებით სარგებლობის უფლება ეძლევათ უნივერსიტეტის პარტნიორი ადგილობრივი თუ საზღვარგარეთის საგანმანათლებლო დაწესებულებების თანამშრომლებს/სტუდენტებს.

  • ბიბლიოთეკაში ქცევის წესები

სამკითხველო დარბაზში აკრძალულია: ხმაური, საუბარი, მობილური ტელეფონის გამოყენება, სამკითხველო დარბაზებში განთავსებული კომპიუტერების გამოყენება გასართობი საიტებისთვის, ფილმების ყურება, აზარტული თამაშების თამაში.