მედიცინის ფაკულტეტი

ფაკულტეტის შესახებ

მედიცინა მრავალფეროვანი პროფესიაა, კარიერული შესაძლებლობების ფართო სპექტრით.

სულხან-საბა ორბელიანის უნივერსიტეტში მედიცინის ფაკულტეტი დაარსდა შესაბამისი საგანმანათლებლო პროგრამების დანერგვის მიზნით. მედიცინის ფაკულტეტი ერთ-ერთი უმნიშვნელოვანესი ერთეულია უნივერსიტეტში, რომლის მიზანია საგანმანათლებლო პროგრამებისა და სამეცნიერო აქტივობების განხორციელება, აგრეთვე თანამედროვე სტანდარტების შესაბამისი საგანმანათლებლო გარემოს შექმნა და განვითარება.

სამედიცინო ფაკულტეტის სტუდენტებს აქვთ შესაძლებლობა მიიღონ საფუძვლიანი ცოდნა საბაზისო მეცნიერებებში, და კლინიკურ, სოციალურ მეცნიერებეში, რაც განპირობებულია პროგრამებში გამოკვეთილი ძლიერი კლინიკური კომპონენტით. ისინი იღებენ ცოდნასა და გამოიმუშავებენ უნარებს, რომელიც დამყარებულია პაციენტის საჭიროებაზე, პოპულაციური ჯანმრთელობისა და კეთილდღეობის შენარჩუნების მიზნით.

მედიცინის ფაკულტეტის მიზანია მოამზადოს პროფესიონალები, რომლებიც მზად არიან მომავალი პრაქტიკისთვის და ჯანდაცვის გლობალიზაციისთვის.

მედიცინის ფაკულტეტი ფოკუსირებულია გამოუმუშაოს სტუდენტს:

პროფესიონალური და ქცევითი ღირებულებები;
პროფესიული უნარები;
პროფესიული ცოდნა.

მედიცინის ფაკულტეტი სთავაზობს სტუდენტს:

თანამედროვე მეცნიერებისა და კლინიკური სწავლების ინტეგრირებას;
თანამედროვე სასწავლო გარემოში სწავლებას (მათ შორის სწავლება კლინიკურ-სიმულაციური ლაბორატორიებში ანატომიის ლაბორატორიაში, და ა.შ.);
კლინიკური სწავლებების ადრეული იმპლემენტაციას სასწავლო პროცესში;
სწავლა-სწავლების თანამედროვე მეთოდების გამოყენებას (PBL, CBL და ა.შ.);
თანატოლთა სწავლების პროგრამას;
სტუდენტთა კეთილდღეობის პროგრამას;
სოციალური პასუხისმგებლობის პრომოციას (ხელშეწყობა) რომელიც დამყარებულია გლობალურ ჯანმრთელობასა და სამედიცინო გამოწვევებზე.

ძირითადი ფაქტორები:

განახლებული სასწავლო გეგმა;
უმცროს ექიმად მუშაობისთვის მზადყოფნის მაღალი დონე;
კლინიკური გამოცდილება;
მეგობრული ატმოსფერო;
თანამედროვე სასწავლო გარემო.

2022 წლიდან სულხან-საბა ორბელიანის უნივერსიტეტის მედიცინის ფაკულტეტი ევროპული სამედიცინო განათლების ასოციაციის (AMEE- European Medical Education Association) წევრი გახდა. An International Association for Medical Education - AMEE-ის წევრობა უამრავ ახალ შესაძლებლობას აძლევს ფაკულტეტს.