შემეცნებითი აქტივობები

შემეცნებითი აქტივობები

• იმიტირებული სასამართლო პროცესი სისხლის სამართალში - ტარდება ყოველწლიურად სტუდენტების ინიციატივით და სამართლის ფაკულტეტის მხარდაჭერით. მონაწილეები ერთი თვის განმავლობაში ემზადებიან შეჯიბრისთვის. საბოლოო პროცესი თბილისის საქალაქო სასამართლოში ტარდება. პროცესის ბოლოს ჟიური ავლენს გამარჯვებულ გუნდს, საუკეთესო ადვოკატსა და პროკურორს, რომლებიც სპეციალური პრიზებით ჯილდოვდებიან.

• იმიტირებული გამოძიება და სასამართლო პროცესი - მონაწილეებს უტარდებათ ტრენინგი საგამოძიებო მოქმედებებსა და სასამართლო პროცესზე, შემდეგ კი ეწყობა იმიტირებული გამოძიება და სასამართლო პროცესი (ნახევარფინალი და ფინალი).

• სამართლის კარის თამაშები - ამ პროექტის მიზანია სტუდენტებში სამართლებრივი საკითხების მიმართ ინტერესის ზრდა და ცოდნის გაღრმავება.  შეჯიბრში მონაწილეობას იღებენ ხუთი სტუდენტისგან შემდგარი გუნდები, რომლებიც ერთმანეთს კაზუსის ამოხსნაში ეპაექრებიან.

• NATO-ს წარმატებული ისტორია - საბაუნის ლექტორის, არინა თავაქარაშვილის ხელმძღვანელობით, ნატოს კვირეულის ფარგლებში სტუდენტები ხვდებიან ნატოს სამეკავშირეო ოფისის ხელმძღვანელს საქართველოში, საქართველოში ნატოს წევრი ქვეყნების ელჩებს და საქართველოს სახელმწიფო უწყებების მაღალი თანამდებობის პირებს.

• შეხვედრა ცნობილ ადამიანებთან - საბაუნის პერიოდულად სტუმრობენ წარმატებული იურისტები, მწერლები, ხელოვნების მუშაკები, მეცნიერები თუ სასულიერო პირები,  რომლებიც საუბრობენ სხვადასხვა აქტუალურ თემებზე. სტუდენტებს საშუალება ეძლევათ, მათ დაუსვან შეკითხვები და გაუზიარონ თავიანთი მოსაზრებები.

• საბაუნის უცხოური პარტნიორი უნივერსიტეტების პროფესორების მასტერკლასები - საბაუნის ხშირად სტუმრობენ საზღვარგარეთის პარტნიორი უნივერსიტეტების პროფესორები, რომლებიც საბაუნის სტუდენტებისთვის ატარებენ მასტერკლასებს, ტრენინგებსა და საჯარო ლექციებს.