საჯარო მმართველობა (ბაკალავრი)
საჯარო მმართველობა (ბაკალავრი)
პროგრამის სახელწოდება: საჯარო მმართველობა
მისანიჭებელი აკადემიური ხარისხი: საჯარო მმართველობის ბაკალავრი
სწავლის ხანგრძლივობა: 4 წელი (240 კრედიტი)
სწავლების ენა: ქართული
პროგრამის ხელმძღვანელი: ლიანა გიორგაძე, გიორგი გორაძე
კოდი ცნობარში: 0880106
წლიური გადასახადი: 2 500 ლარი
მისაღები კონტიგენტი: 30
საჯარო მმართველობის საბაკალავრო საგანმანათლებლო პროგრამის მიზანია სტუდენტს შესძინოს:
- ევროპულ ღირებულებებზე დაფუძნებული ფართო თეორიული ცოდნა საჯარო მმართველობის საფუძვლების, მოდელების, სისტემების, პრინციპებისა და ინსტიტუტების, საჯარო მმართველობის ფასეულობების, ღირებულებებისა და ეთიკური სტანდარტების, ძირითადი ტენდენციებისა და გამოწვევების, აგრეთვე საჯარო მმართველობასთან დაკავშირებული ეროვნული და უცხოური სამეცნიერო აზრის, საჯარო მმართველობის ინსტიტუციური, სამართლებრივი, პოლიტიკური და ეკონომიკური საფუძვლების, ადმინისტრაციული ორგანოების ორგანიზაციული მოწყობისა და საქმიანობის ფორმების, შედეგზე ორიენტირებული მმართველობითი გადაწყვეტილების მიღებისა და რეალიზაციისთვის საჭირო ინოვაციური მექანიზმებისა და ინსტრუმენტების, მათ შორის, ელექტრონული მმართველობის, შესახებ.
- შესძინოს საჯარო მმართველობასთან დაკავშირებით მიღებული თეორიული ცოდნის პრაქტიკაში გამოყენების, საჯარო მმართველობის სფეროსთან დაკავშირებული პრობლემების იდენტიფიცირების, კვლევის, ანალიზის და მათი გადაჭრის ტრადიციული და ინოვაციური გზების ძიების უნარი, მათ შორის, ციფრული ტექნოლოგიების საშუალებით.
- განუვითაროს არგუმენტირებული მსჯელობის, დასკვნების ჩამოყალიბებისა და გაზიარების, საჯარო მმართველობასთან დაკავშირებული შედეგზე ორიენტირებული გადაწყვეტილების მიღებისას კონსტიტუციური წესრიგის, ადამიანის უფლებების, დემოკრატიული და კარგი მმართველობის (Good Governance) პრინციპების, ეთიკური და პროფესიული ნორმების დაცვის, აგრეთვე საჯარო მმართველობასთან დაკავშირებულ სხვადასხვა აქტუალურ საკითხზე ხელმძღვანელის მითითებით მცირე მოცულობის კვლევის ჩატარების, კომუნიკაციის, ცოდნის მუდმივი განახლების უნარი.
ლექციებს უძღვებიან როგორც მოქმედი საჯარო მოხელეები, რომლებიც თავიანთ ცოდნასა და გამოცდილებას უზიარებენ სტუდენტებს, ისე მაღალკვალიფიციური მეცნიერები, რომელთა ლექციები მიმდინარეობს სწავლების თანამედროვე მეთოდების გამოყენებით.
საჯარო მმართველობის საბაკალავრო პროგრამა გამოირჩევა ექსკლუზიური და პრაქტიკული სასწავლო კურსების სიმრავლით:
- საჯარო მმართველობის პრაქტიკული კლინიკა
- ადამიანური რესურსების მენეჯმენტი
- შიდა აუდიტი
- სამოხელეო სამართალი
- მართვა-გამგეობა საქართველოში
- საჯარო პოლიტიკა
- ელექტრონული მმართველობა და კიბერუსაფრთხოება
- საგადასახადო საქმის საფუძვლები
- პოლიცია და ადამიანის უფლებები
- შრომისა და ორგანიზაციული ფსიქოლოგია
საჯარო მმართველობის საბაკალავრო პროგრამის ფარგლებში სტუდენტი სწავლობს ყველა იმ დოკუმენტის შედგენას, რასთან შეხებაც შესაძლოა ჰქონდეს საჯარო სამსახურში ბაკალავრიატის კურსდამთავრებულს.
საჯარო მმართველობის საბაკალავრო საგანმანათლებლო პროგრამის კურსდამთავრებულს შესაძლებლობა ექნება იმუშაოს ნებისმიერ იმ თანამდებობაზე, სადაც მოითხოვება ბაკალავრის აკადემიური ხარისხი (გარდა რეგულირებადი პროფესიების ბაკალავრის აკადემიური ხარისხისა) და არ არის აუცილებელი სახელმწიფო სასერტიფიკაციო გამოცდის ჩაბარება ან/და საქართველოს კანონმდებლობით გათვალისწინებული დამატებითი წინაპირობები.
საჯარო მმართველობის საბაკალავრო საგანმანათლებლო პროგრამის კურსდამთავრებული შეიძლება დასაქმდეს:
- ადმინისტრაციულ თანამდებობებზე საკანონმდებლო, აღმასრულებელ და სასამართლო ხელისუფლების ორგანოებში;
- სახელმწიფო მაკონტროლებელ ორგანოებში;
- საჯარო და კერძო სამართლის იურიდიულ პირებში ან სხვა არასამეწარმეო (არაკომერციულ) ორგანიზაციებში.