თეოლოგიისა და ფილოსოფიის ინსტიტუტი
თეოლოგიისა და ფილოსოფიის ინსტიტუტი სულხან-საბა ორბელიანის უნივერსიტეტის თეოლოგიის ფაკულტეტის ბაზაზე არსებული სამეცნიერო-კვლევითი ერთეულია. ინსტიტუტში გაწევრიანებულნი არიან თეოლოგიისა და ფილოსოფიის კვლევით დაინტერესებული პროფესორები და მკვლევრები, რომლებსაც თეოლოგიური და ფილოსოფიური განათლება საქართველოსა და ევროპის წამყვან სასწავლებლებში აქვთ მიღებული.
ინსტიტუტი ორიენტირებულია თეოლოგიის, ფილოსოფიისა და ეკლესიის ისტორიის სფეროში კვლევით საქმიანობაზე და გამოცემული აქვს, როგორც ქართულად შექმნილი, ასევე, უცხოურიდან თარგმნილი წიგნები და სახელმძღვანელოები, რომლებიც ინსტიტუტის კვლევით სფეროში არსებულ აქტუალურ საკითხებს მიემართებიან.
გარდა აკადემიური და კვლევითი გამოცემებისა, ინსტიტუტი ყოველწლიურად აწყობს როგორც ადგილობრივ, ასევე, საერთაშორისო კონფერენციებსა და პანელურ დისკუსიებს, რომლებიც ეძღვნება ეკლესიაში, თეოლოგიასა თუ ფილოსოფიაში არსებულ აქტუალურ პრობლემებსა და გამოწვევებს.
ინსტიტუტის დირექტორია გურამ ლურსმანაშვილი.
საკონტაქტო ინფორმაცია:
ელ. ფოსტა: g.lursmanashvili@sabauni.edu.ge
მის.: კ. ქუთათელაძის N3
სულხან-საბა ორბელიანის უნივერსიტეტი