საერთაშორისო ურთიერთობები (ბაკალავრი)
სპეციალობა: საერთაშორისო ურთიერთობები
მისანიჭებელი აკადემიური ხარისხი: საერთაშორისო ურთიერთობების ბაკალავრი
ცნობარში მინიჭებული კოდი: 0880106
სწავლების ხანგრძლივობა: 4 წელი (240 კრედიტი)
სწავლების ენა: ქართული
წლიური გადასახადი: 2250 ლარი
პროგრამაზე ჩარიცხვის პირობები: ჩასაბარებელი სავალდებულო საგნები: ქართული ენა და ლიტერატურა, უცხო ენა (გერმანული, ფრანგული, რუსული ან ინგლისური), არჩევითი-სავალდებულო საგნები: სამოქალაქო განათლება, გეოგრაფია, ისტორია, მათემატიკა.
მისაღები კონტიგენტი: 30
პროგრამის ხელმძღვანელი: ირაკლი ჯავახიშვილი
- ექსკლუზიური, პრაქტიკული და ინგლისურენოვანი სასწავლო კურსები;
- მაღალკვალიფიციური, პრაქტიკოსი და გამოცდილი ლექტორები;
- პრაქტიკის შესაძლებლობა საქართველოსა და უცხო ქვეყნების დიპლომატიურ წარმომადგენლობებში, არასამთავრობო ორგანიზაციებსა და ანალიტიკურ ცენტრებში;
- გაცვლითი პროგრამები, ეროვნული და საერთაშორისო საზაფხულო სკოლები და პროექტები;• საერთაშორისო ენების გაძლიერებული სწავლება.
საერთაშორისო ურთიერთობები ინტერდისციპლინური საბაკალავრო პროგრამაა, რომელიც შეისწავლის საერთაშორისო სისტემის მონაწილე აქტორებს და მათ შორის არსებული ურთიერთობების ხასიათს. პროგრამის საკვლევ თემებში შედის საგარეო პოლიტიკა; დიპლომატია; საერთაშორისო კონფლიქტები და მოლაპარაკება; ომისა და მშვიდობის საკითხები; საერთაშორისო უსაფთხოება; ტერორიზმი, საერთაშორისო ეკონომიკა და ვაჭრობა; რელიგიის ფაქტორი საერთაშორისო საქმეებში; ადამიანის უფლებები; კლიმატის ცვლილება და გარემოს დაცვა; და ა.შ.
საერთაშორისო ურთიერთობების ფართო არეალი მოითხოვს ინტერდისციპლინურ მიდგომას, რომელიც მოიცავს პოლიტიკის მეცნიერების, ისტორიის, ეკონომიკის, სოციოლოგიის, სამართლის, უცხო ენებისა და სხვა სფეროებს.
საერთაშორისო ურთიერთობების სფეროს ცოდნა საშუალებას მისცემს სტუდენტს, რომ გაიაზროს თანამედროვე საერთაშორისო საქმეების კომპლექსური ბუნება.
სავალდებულო კურსების გარდა, სტუდენტს აქვს შესაძლებლობა, რომ აირჩიოს პრაქტიკული ნაწილი და სტაჟირება გაიაროს საქართველოში არსებულ სხვადასხვა უწყებებსა და დაწესებულებებში (სამინისტროები, საელჩოები, საერთაშორისო ორგანიზაციები და სხვ.).