სტუდენტურ საქმეთა მენეჯერი
სულხან-საბა ორბელიანის უნივერსიტეტისთვის მთავარი პრიორიტეტი სტუდენტებია და, შესაბამისად, მათზე მორგებული გარემოა. ამ მიდგომისა და საჭიროებიდან გამომდინარე, უნივერსიტეტს ჰყავს სტუდენტურ საქმეთა მენეჯერი, რომელიც უწევს სტუდენტებს შესაბამის კონსულტაციებს და ეხმარება მათ დასაქმებასა და კარიერულ განვითარებაში. ასევე, ახორციელებს გასართობ და შემეცნებით აქტივობებს, რაც ხელს უწყობს უნივერსიტეტში საერთო მეგობრული გარემოს შექმნას.
უნივერსიტეტი ატარებს ინტენსიურ ინდივიდუალურ და ჯგუფურ კარიერულ კონსულტაციებს, კოორდინაციას უწევს და ავითარებს თანამშრომლობას სტუდენტებისა და კურსდამთავრებულების დასაქმებასთან დაკავშირებით სამოქალაქო, კერძო და საჯარო სექტორებთან; ქმნის დამსაქმებელთა მონაცემთა ბაზას და აქტიური ვაკანსიების შესახებ რეგულარულად აწვდის ინფორმაციას უნივერსიტეტის სტუდენტებსა და კურსდამთავრებულებს.
უნივერსიტეტი აქტიურად თანამშრომლობს შრომის ბაზარზე მოქმედ უმსხვილეს კომპანიებთან სხვადასხვა მიმართულებით. უნივერსიტეტი ყოველწლიურად ატარებს HR ფორუმს, სადაც წარმომადგენლები არიან წამყვანი ქართული კომპანიები და სხვადასხვა უნივერსიტეტები.
სულხან-საბა ორბელიანის უნივერსიტეტს აქვს სასტიპენდიო პროგრამა, რომელსაც შეუძლია მიიღოს არა მხოლოდ აკადემიური მოსწრების მაღალი მაჩვენებლის მქონე სტუდენტები, არამედ ისინიც, რომლებიც ჩართულნი არიან სხვადასხვა სასწავლო გეგმებს გარე აქტივობებში. სტიპენდიების მინიჭების მიზანია სტუდენტების წახალისება, მათი მოტივაციის ამაღლება და ჯანსაღი კონკურენტული გარემოს შექმნა.
სტუდენტურ საქმეთა მენეჯერი სტუდენტებსა და კურსდამთავრებულებს კვირაში ორჯერ უზიარებს აქტიურ ვაკანსიებს და ამ სერვისის ფარგლებში ისინი რეგულარულად იღებენ განახლებულ ინფორმაციას შრომის ბაზარზე არსებული ვაკანსიებისა და სხვა შესაძლებლობების შესახებ.
უნივერსიტეტს აქვს უცხოელი სტუდენტების დახვედრის პროგრამა, სადაც ისინი ეცნობიან უნივერსიტეტის სტრუქტურას, ხვდებიან სხვადასხვა დეპარტამენტის წარმომადგენლებს, ეცნობიან შენობის განლაგებას და ხვდებიან ადგილობრივ სტუდენტებს.
უნივერსიტეტის მიზანია დაგეგმოს ყველა აქტივობა საბაუნის სტუდენტების პრობლემების, საჭიროებებისა და ინტერესების მიხედვით. ამიტომ უნივერსიტეტი რეგულარულად ატარებს კვლევას სტუდენტთა კარიერული განვითარების შესახებ და ამ შედეგებით დგინდება მიზნები და სამოქმედო გეგმები. გარდა ამისა, ყოველი წლის ბოლოს უნივერსიტეტის სტუდენტურ საქმეთა მენეჯერი იკვლევს კურსდამთავრებულთა კმაყოფილებას დასაქმებისა და კარიერის განვითარების შესახებ, სადაც სტუდენტები გამოხატავენ თავიანთ მოსაზრებებს საგანმანათლებლო პროგრამებზე, სწავლების ხარისხზე, უნივერსიტეტსა და გაწეულ მომსახურებაზე.
სტუდენტურ საქმეთა მენეჯერი - გურანდა მიქავა
სამუშაო გრაფიკი: ორშაბათი - პარასკევი - 10:00-19:00 სთ
ტელ.: +995 32 242 22 42/135
ელ. ფოსტა:g.mikava@sabauni.edu.ge
ოთახი: 402