Erasmus+ მობილობა ჩეხეთში

ცხადდება საბუთების მიღება ევროკომისიის მიერ დაფინანსებული  Erasmus+ ICM საგრანტო  პროგრამის კონკურსში მონაწილეობის მისაღებად, რომლის მოპოვების შემდეგ შერჩეული სტუდენტი 2022 წლის შემოდგომის სემესტრს გაივლის პალაცკის უნივერსიტეტში (ჩეხეთი). 
კონკურსში მონაწილეობის მიღება შეუძლიათ საბაუნის თეოლოგიისა და სოციოლოგიის საბაკალავრო და სამაგისტრო საფეხურის სტუდენტებს.

მონაწილეობის მიღება არ შეუძლიათ 

• საბაკალავრო პროგრამის პირველი კურსის (სემესტრის) სტუდენტებს. 
• შეჩერებულ სტატუსის მქონე სტუდენტებს
• დამამთავრებელი კურსის სტუდენტებს (შესაძლებელია იმ შემთხვევაში, თუ მობილობის დასრულების შემდეგ სტუდენტი დაიმატებს დამატებით სემესტრს)
• სტუდენტს რომელსაც გააჩნია ფინანსური დავალიანება

დაფინანსება:

• ყოველთვიური სტიპენდია - 800 ევრო (მთლიანი სტიპენდია 3 თვე+ 17 დღე)
• მგზავრობის ხარჯი - 360 ევრო 

წარმოსადგენი დოკუმენტაცია:

• აკადემიური მოსწრების ბარათი; 
• საერთაშორისო პასპორტის ასლი;
• უცხო ენის დამადასტურებელი სერტიფიკატი B2 (TOEFEL, IELTS), ასეთის არსებობის შემთხვევაში; (არ არსებობის შემთხვევაში, სტუდენტები ტესტირებას გაივლიან უნივერსიტეტის უცხო ენათა ცენტრში), (პერსონალის შემთხვევაშიც ცენტრი გასცემს შესაბამის დოკუმენტს)
• სამოტივაციო წერილი ინგლისურ ენაზე; 
• CV Euro pass ფორმატში;
• რეკომენდაცია ფაკულტეტიდან/პროფესორისაგან

რეგისტრაციისათვის საჭირო დოკუმენტაციას აპლიკანტი უნივერსიტეტის ელ-ფოსტის ოფიციალური მისამართიდან აგზავნის საერთაშორისო ურთიერთობების მენეჯერის ელ-ფოსტის მისამართზე: ir@sabauni.edu.ge

მასპინძელი უნივერსიტეტის მიერ შემოთავაზებულ სასწავლო კურსებს გაეცანით ბმულზე:

შენიშვნა 1: პარტნიორი უნივერსიტეტის/ორგანიზაციის მოთხოვნების შესაბამისად, შესაძლოა მოთხოვნილი იქნეს დამატებითი დოკუმენტები.

შენიშვნა 2: კონკურსის დროს თანაბარი პირობების შემთხვევაში უპირატესობა მიენიჭება სტუდენტს სოციალურად დაუცველი ოჯახიდან და ასევე, სტუდენტს რომელსაც არ აქვს მიღებული სხვა სასწავლო გრანტი.

მნიშვნელოვანი ვადები:

11 მაისი - საბუთების მიღება

12 მაისი - ტესტირება უცხო ენაში
13 მაისი - გასაუბრება შესარჩევ კომისიასთან

კითხვების შემთხვევაში, დაგვიკავშირდით ელ.ფოსტაზე: IR@SABAUNI.EDU.GE , ან მოგვაკითხეთ საერთაშორისო ურთიერთობების სამსახურში