Erasmus+ სტუდენტების მობილობა სალამანკას უნივერსიტეტში

ადგილი:კ.ქუთათელაძის N3

განთავსების თარიღი:05/16/2023

ცხადდება საბუთების მიღება ევროკომისიის მიერ დაფინანსებული  Erasmus+ ICM საგრანტო  პროგრამის კონკურსში მონაწილეობის მისაღებად. პროგრამის ფარგლებში საბაუნის სტუდენტები 2023 წლის შემოდგომის სემესტრს სალამანკას პონტიფიკურ უნივერსიტეტში გაატარებენ (ესპანეთი). კონკურსი განკუთვნილია საბაუნის სადოქტორო პროგრამის სტუდენტებისთვის. 

გრანტი:
ყოველთვიური სტიპენდია: 850 ევრო
მგზავრობა:  820 ევრო

Erasmus+ პროგრამა არ ფარავს ვიზის მოსაკრებელსა და დაზღვევის ხარჯებს.
გთხოვთ გაითვალისწინოთ, საქართველოში არ არის ესპანეთის საკონსულო, რომელიც გასცემს ვიზებს, ამისათვის საჭიროა თურქეთში წასვლა. 
ინფორმაციას უნივერსიტეტის შესახებ გაეცანით ბმულზე.

წარმოსადგენი დოკუმენტაცია:
•    აკადემიური მოსწრების ბარათი; 
•    საერთაშორისო პასპორტის ასლი;
•    უცხო ენის დამადასტურებელი სერტიფიკატი B2 (TOEFEL, IELTS), ასეთის არსებობის შემთხვევაში; (არ არსებობის შემთხვევაში, სტუდენტები ტესტირებას გაივლიან უნივერსიტეტის უცხო ენათა ცენტრში). შეგიძლიათ წარმოადგინოთ ყველა უცხო ენის დამადასტურებელი დოკუმენტი. ესპანური ენის ცოდნა ჩაითვლება უპირატესობად.
•    სამოტივაციო წერილი ინგლისურ ენაზე; 
•    კვლევის გეგმა მობილობის პერიოდისთვის ინგლისურ/ესპანურ ენაზე
•    CV Euro pass ფორმატში;
•    რეკომენდაცია ფაკულტეტიდან/საბაუნის პროფესორისაგან
რეგისტრაციისათვის საჭირო დოკუმენტაციას აპლიკანტი უნივერსიტეტის ელ-ფოსტის ოფიციალური მისამართიდან აგზავნის საერთაშორისო ურთიერთობების მენეჯერის ელ-ფოსტის მისამართზე: ir@sabauni.edu.ge.   სათაურის ველში მიუთითეთ: Erasmus+ Salamanca

შენიშვნა1: პარტნიორი უნივერსიტეტის/ორგანიზაციის მოთხოვნების შესაბამისად, შესაძლოა მოთხონილი იქნეს დამატებითი დოკუმენტები.
შენიშვნა2: იმისათვის რომ მობილობის სემესტრში მიღებული კრედიტების აღიარება მოხდეს, წასვლამდე სტუდენტმა უნდა გაიაროს ადმინისტრაციული რეგისტრაცია საბაუნიში. 

მნიშვნელოვანი ვადები:
20 მაისი - საბუთების მიღება
23 მაისი 14:00  - ტესტირება უცხო ენაში (პასუხები მოვა პირდაპირ ჩვენს სამსახურში)
24 მაისი  - გასაუბრება შესარჩევ კომისიასთან და კანდიდატების შერჩევა (ზუსტი დრო გეცნობებათ რეგისტაციის დასრულების შემდეგ)

ივნისი - დასკვნით პასუხი მიმღები უნივერსიტეტიდან

კითხვების შემთხვევაში, დაგვიკავშირდით ელ.ფოსტაზე: ir@sabauni.edu.ge, ან მოგვაკითხეთ საერთაშორისო ურთიერთობების სამსახურში.