პირველი საერთაშორისო სამეცნიერო კონფერენცია ,,ტრანსფორმაციის ეტაპზე მყოფი საზოგადოებები“

ადგილი:კ.ქუთათელაძის N3

განთავსების თარიღი:02/24/2023

2023 წლის 14-15 ნოემბერს სულხან-საბა ორბელიანის უნივერსიტეტის სოციალურ მეცნიერებათა ფაკულტეტი ატარებს საერთაშორისო სამეცნიერო კონფერენციას „ტრანსფორმაციის ეტაპზე მყოფი საზოგადოებები ", რომლის თემა იქნება „მშვიდობისა და კეთილდღეობის ძიებაში ".

კონფერენციის ძირითადი იდეა: 
„VUCA"(ცვალებად, გაურკვეველ, რთულ, ბუნდოვან) სამყაროში, უკრაინის წინააღმდეგ რუსეთის სამხედრო აგრესიისა და მსოფლიო გამოწვევების ფონზე განსაკუთრებული ინტერესის ქვეშ ექცევა მშვიდობისა და საზოგადოების კეთილდღეობის საკითხები, განსაკუთრებით დემოკრატიული გარდაქმნის ეტაპზე მყოფი სახელმწიფოების კულტურული და პოლიტიკური ტრანსფორმაციის მახასიათებლები. პოლიტიკური, სოციალური და ეკონომიკური ცვლილებები გავლენას ახდენს ერთი მხრივ, სახელმწიფოების განვითარებაზე, მიგრაციაზე, ცვლილებების მიმღებლობასა და დემოკრატიული გარდაქმნის ეტაპზე მყოფი ქვეყნების სტაბილურობაზე, ხოლო მეორე მხრივ, საზოგადოების განწყობებზე, დამოკიდებულებებზე, მოთხოვნილებებზე, ურთიერთობის სტილზე, გამოხატვის თავისუფლებაზე და ზოგადად, უსაფრთხოებისა და კეთილდღეობის განცდასა და ფსიქო-სოციალურ ჯანმრთელობაზე.

გარდამავალ ეტაპზე მყოფი საზოგადოების გამოწვევების ინტერდისციპლინური პერსპექტივიდან განხილვა შესაძლებლობას გვაძლევს გავაანალიზოთ პოლიტიკურ კონფლიქტებთან დაკავშირებული ისტორიული და უახლესი გამოცდილება, მათ შორის უკრაინაში მიმდინარე ომის მიზეზები და მოსალოდნელი შედეგები; ევროპის უსაფრთხოება, ენერგო-დამოუკიდებლობის საკითხები, ახალი მსოფლიო დღის წესრიგის პერიპეტიები და ამასთანავე, სოციალური ფაქტორების გავლენა საზოგადოების განწყობებსა და ქცევებზე.

კონფერენციის მიზანი: 
კონფერენცია მიზნად ისახავს უახლეს კვლევებსა და პრაქტიკაზე დაყრდნობით მეცნიერების მიგნებების გაცნობას, აქტუალური გამოწვევების გაანალიზებას, მოსალოდნელი პრობლემების პრევენციისა და ინტერვენციის გზების/საშუალებების წარმოჩენას და მათი გამოყენების არსებული პრაქტიკის გაზიარებას.

კონფერენციაში მონაწილეობა შეუძლიათ პროფესორებს, ახალგაზრდა მეცნიერებს, დოქტორებსა და დოქტორანტებს
კონფერნციის ჩატარების ადგილი: სულხან-საბა ორბელიანის უნივერსიტეტი, კალისტრატე ქუთათელაძის ქ. 3 
კონფერენციის ფორმატი:  ჰიბრიდული 
კონფერენციის სამუშაო ენა: ინგლისური 
კონფერენციაში მონაწილეობისთვის არ არის დაწესებული გადასახადი
ყველა მონაწილეს გადაეცემა სერტიფიკატი
გამოქვეყნების შესაძლებლობები: 
კონფერენციის ფარგლებში წარმოდგენილი ნაშრომები განსახილველად გადაეცემა სარეცენზიო კომისიას, ხოლო განხილვისა და დადებითად შეფასების შემდეგ გამოქვეყნდება შემდეგ ჟურნალებში:
•    სულხან-საბა ორბელიანის უნივერსიტეტის აკადემიური ჟურნალი ,,ორბელიანი";
•    კონფერენციის ნაშრომების კრებული/ჟურნალი

მნიშვნელოვანი თარიღები:
20 სექტემბერი – აბსტრაქტის გაგზავნა
30 სექტემბერი – შეტყობინება აბსტრაქტის მიღების შესახებ
10 ოქტომბერი – რეგისტრაცია დასწრებისთვის
14-15 ნოემბერი – კონფერენცია
24 ნოემბერი - ნაშრომის წარდგენა გამოსაცემად 
8 დეკემბერი – შეტყობინება ნაშრომის მიღების შესახებ
15 დეკემბერი – გადამუშავებული ნაშრომების წარდგენა

კონფენერციაში მონაწილეობის სარეგისტრაციო ფორმა: https://docs.google.com/forms/d/e/1FAIpQLSfwRduVQ2DdIxY6kkAc35i_8Xuj-garaDt-dzfHLj1-XhNs0w/viewform?vc=0&c=0&w=1&flr=0 

საკონტაქტო ელ.ფოსტა: ss@sabauni.edu.ge