პირველი საერთაშორისო სამეცნიერო კონფერენცია ,,ტრანსფორმაციის ეტაპზე მყოფი საზოგადოებები“

ადგილი:კალისტრატე ქუთათელაძის 3

განთავსების თარიღი:11/13/2023

დასაწყისი:11:00

სულხან-საბა ორბელიანის უნივერსიტეტის სოციალურ მეცნიერებათა ფაკულტეტის ორგანიზებით 14-15 ნოემბერს იმართება პირველი საერთაშორისო კონფერენცია ,,ტრანსფორმაციის ეტაპზე მყოფი საზოგადოებები“, რომელიც ეძღვნება მსოფლიო გამოწვევების ფონზე მშვიდობისა და  საზოგადოების კეთილდღეობის საკითხებს. გარდამავალ ეტაპზე მყოფი საზოგადოების გამოწვევების ინტერდისციპლინური პერსპექტივიდან განხილვა შესაძლებლობას გვაძლევს გავაანალიზოთ ახალი მსოფლიო დღის წესრიგის პერიპეტიები - პოლიტიკურ კონფლიქტებთან დაკავშირებული ისტორიული და უახლესი გამოცდილება და სოციალური და ტექნოლოგიური ფაქტორების გავლენა საზოგადოების განწყობებზე, ქცევებსა და ფსიქო-სოციალურ ჯანმრთელობაზე.

ამასთანავე განსაკუთრებული ინტერესის ქვეშ ექცევა ინოვაციები სწავლა-სწავლების პროცესში და თანამედროვე მიდგომების გამოყენების მნიშვნელობა. კონფერენციის ფარგლებში 14 ნოემბერს იმართება ვორქშოფი თემაზე: ,,პედაგოგიკის ინოვაციური მეთოდები: როგორ გავზარდოთ სტუდენტთა ჩართულობა სასწავლო პროცესში ამობრუნებული საკლასო ოთახის მიდგომის გამოყენებით“ / How to innovate in pedagogy to make your students more collaborative? Illustration with the reverse classroom”, რომელსაც გაუძღვება პროფესორი ჟან-შარლ კაიე  (HDR, MBA) ლილის კათოლიკური უნივერსიტეტის ვიცე-პრეზიდენტი ინოვაციების მიმართულებით, დიზაინის სკოლა "HEMiSF4iRE" დირექტორი.

კონფერენციის დღის წესრიგი იხილეთ ბმულზე.