სულხან-საბა ორბელიანის უნივერსიტეტი 2022 წლის 30 დეკემბრიდან აცხადებს ღია კონკურსს აკადემიური თანამდებობის დასაკავებლად

ადგილი:კ.ქუთათელაძის N3

განთავსების თარიღი:12/30/2022

სულხან-საბა ორბელიანის უნივერსიტეტი  2022 წლის  30 დეკემბრიდან აცხადებს ღია კონკურსს აკადემიური თანამდებობის დასაკავებლად

სამართლის ფაკულტეტი:

ა) სამართლის ფილოსოფიისა და სამართლის მეთოდების მიმართულებით -ასისტენტის 2 ვაკანტური ადგილი,  აფილირების პირობით.

ბ) სამართლის ეთიკის მიმართულებით - ასისტენტის 1 ვაკანტური ადგილი,  აფილირების პირობით.

დ) საკონსტიტუციო სამართლის მიმართულებით - ასისტენტის 2 ვაკანტური ადგილი,  აფილირების პირობით.

ე) ადმინისტრაციული და ადმინისტრაციული საპროცესო სამართლის მიმართულებით - ასისტენტის 3 ვაკანტური ადგილი,  აფილირების პირობით.

ვ) საერთაშორისო საჯარო სამართლისა და გარემოს დაცვის სამართლის მიმართულებით - ასისტენტის 1 ვაკანტური ადგილი,  აფილირების პირობით.

ზ) კრიმინოლოგიისა და სისხლის სამართლის მიმართულებით - ასისტენტის 1 ვაკანტური ადგილი,  აფილირების პირობით.

თ) კერძო სამართლის მიმართულებით - ასისტენტის 1 ვაკანტური ადგილი,  აფილირების პირობით.

   აკადემიურ თანამდებობაზე ასარჩევად დადგენილ ძირითად მოთხოვნებად და შეფასების

  კრიტერიუმებად განისაზღვროს:

ა) ძირითადი კრიტერიუმი:

ასისტენტის თანამდებობაზე შეიძლება არჩეულ იქნეს მაგისტრის ან მასთან გათანაბრებული აკადემიური ხარისხის მქონე პირი, რომელსაც გააჩნია არანაკლებ 3 წლის მუშაობის გამოცდილება შესაბამის დარგში, რაც დაკავშირებულია სფეროში, წამყვან თანამდებობებზე პრაქტიკულ მოღვაწეობასთან.

ბ) დამტებითი კრიტერიუმები:

• სასწავლო კურსის სილაბუსი;  
• ბოლო 5 წლის განმავლობაში გამოქვეყნებული სამეცნიერო ნაშრომები/პუბლიკაციები; 
• საერთაშორისო გამოქვეყნებები;
• გასაუბრება; 
• საჩვენებელი ლექცია/სასწავლო კურსის პრეზენტაცია;

 

კონკურსანტი უნდა აკმაყოფილებდეს შესაბამისი აკადემიური თანამდებობისათვის საქართველოს კანონმდებლობით დადგენილ მოთხოვნებს და წარმოადგინოს:

ა) განცხადება საკონკურსო კომისიის სახელზე;

ბ) პირადობის დამადასტურებელი დოკუმენტის (პირადობის მოწმობა) ასლი (უცხო ქვეყნის მოქალაქეობის შემთხვევაში - პასპორტის/პირადობის მოწმობის ასლი და სანოტარო წესით დამოწმებული თარგმანი);

გ) ფოტოსურათი (დაბეჭდილი 3×4 -ზე, ელექტრონული - CD მატარებელზე);

დ) ავტობიოგრაფია (CV);

ე) ბოლო 5 წლის განმავლობაში გამოქვეყნებული სამეცნიერო ნაშრომების/პუბლიკაციების სია;

ვ) კვალიფიკაციის: უმაღლესი განათლების და მაგისტრის ან მასთან გათანაბრებული აკადემიური ხარისხის, სამეცნიერო პედაგოგიური გამოცდილების დამადასტურებელი დოკუმენტის ასლი;

შენიშვნა: უცხოეთში მიღებული განათლების/კვალიფიკაციის დამადასტურებელი დოკუმენტის შემთხვევაში ასევე წარსადგენია ნოტარიულად დამოწმებული ქართულენოვანი თარგმანი და სსიპ - განათლების ხარისხის განვითარების ეროვნული ცენტრის მიერ გაცემული უცხოეთში მიღებული განათლების აღიარების დოკუმენტი.

შენიშვნა: უმაღლეს საგანამანათლებლო დაწესებულებაში არ შეიძლება დასაქმდეს „სქესობრივი თავისუფლებისა და ხელშეუხებლობის წინააღმდეგ მიმართულ დანაშაულთან ბრძოლის შესახებ“ საქართველოს კანონით გათვალისწინებული სქესობრივი თვისუფლებისა და ხელშეუხებლობის წინააღმდეგ მიმართული დანაშაულის ჩადინისათვის ნასამართლევი პირი ან/და პირი, რომელსაც იმავე კანონის საფუძველზე სასამართლომ ჩამოართვა საგანმანათლებლო დაწესებულებაში საქმიანობის უფლება. უნივერსიტეტი ვალდებულია პირისათვის შესაბამისი საქმიანობის განხორციელების უფლების მინიჭებამდე მოსთხოვოს მას შესაბამისი ცნობის წარმოდგენა.

ასისტენტის აკადემიურ თანამდებობაზე აირჩევა 4 წლის ვადით.

დასაქმებულის შრომის ანაზღაურების ოდენობა და გაცემის წესი დადგინდება შესარჩევ კანდიდატთან დამატებითი შეთანხმებით.

კონკურსთან დაკავშირებით დამატებითი ინფორმაციისთვის  მიმართეთ უნივერსიტეტის საქმისწარმოების  მენეჯერს (ც. ხითარიშვილი) ტელ: 577347700, ელექტრონული ფოსტა info@sabauni.edu.ge .

საბუთების მიღება განხორციელდება  2023 წლის 30 იანვრიდან 03 თებერვლის ჩათვლით ელექტრონულ ფოსტაზე info@sabauni.edu.ge. დოკუმენტაციის მიღებაზე პასუხისმგებელი პირი  ციცინო ხითარიშვილი, ტელ: 577347700.

საკონკურსო კომისია მუშაობას  განახორციელებს 2023 წლის 06 თებერვლიდან.

კონკურსის შედეგები გამოცხადდება 2023 წლის  11 თებერვლამდე.

კონკურსის შედეგები კანდიდატებს ეცნობებათ პერსონალური ელექტრონული ფოსტის მისამართზე შეტყობინების გაგზავნით.