2024-2025 შემოდგომის სემესტრის სტიპენდიატების გამოვლენა დაიწყო

სულხან-საბა ორბელიანის უნივერსიტეტში 2024-2025 წლის შემოდგომის სემესტრის სტიპენდიატების შერჩევის პროცესი დაიწყო. უნივერსიტეტი, სტუდენტების აკადემიური მოსწრებისა და სხვადასხვა აქტივობებში ჩართულობის წახალისების მიზნით, დადგენილი წესების შესაბამისად გასცემს სტიპენდიებს.

სტიპენდიის მინიჭება მოხდება შემდეგი კრიტერიუმების საფუძველზე:

აკადემიური მოსწრება – მაქსიმუმ 65 ქულა. აქედან 35 ქულა ეთმობა ინგლისურ ენაში მიღებულ შეფასებას, ხოლო დანარჩენი 30 ქულა - სხვა სასწავლო კურსებში მიღებულ შეფასებებს.

კურიკულუმსგარე აქტივობები – მაქსიმუმ 35 ქულა, რომელიც მოიცავს სამეცნიერო, სოციალურ და სხვა სტუდენტურ აქტივობებში მონაწილეობას. დეტალური ინფორმაცია სტიპენდიის გაცემის წესებთან დაკავშირებით შეგიძლიათ იხილოთ ბმულზე.

სტიპენდიატობის მსურველებმა ფორმა უნდა შეავსოთ 6 ნოემბრის ჩათვლით.

ყურადღებით გაეცანით ფორმას და აქტივობების დამადასტურებელი სერტიფიკატები შესაბამის პუნქტს დაამატეთ ZIP ფაილის ფორმატში.

შენიშვნა:** კონკურსში მონაწილეობის მისაღებად, გთხოვთ, 2023-2024 წლის საგაზაფხულო სემესტრის აქტივობები მიუთითოთ.

წარმატებას გისურვებთ!