სამართალი (მაგისტრატურა)

სამართალი (მაგისტრატურა)

პროგრამის სახელწოდება : სამართალი
სწავლების ენა:  ქართული ინგლისურენოვანი კომპონენტებით
მისანიჭებელი აკადემიური ხარისხი: სამართლის მაგისტრი
პროგრამის ხელმძღვანელი: დიმიტრი გეგენავა, სამართლის დოქტორი, პროფესორი.
სწავლის ხანგრძლივობა:  2 წელი (120 კრედიტი)
სწავლის საფასური: 2950 ლარი

პროგრამის მიზნები:

სამართლის სამაგისტრო საგანმანათლებლო პროგრამის მიზანია სტუდენტს შესძინოს ღრმა და სისტემური ცოდნა:

• კერძო, საჯარო ან სისხლის სამართლისა და შედარებითი სამართალმცოდნეობის სფეროში;

• ეროვნული და უცხოური სამართლის სისტემების ძირითადი თავისებურებების, სამართლის თეორიების, ინსტიტუტების, მატერიალური და პროცესუალური სამართლის ნორმების, ზოგადსამართლებრივი პრინციპების, ფასეულობებისა და ღირებულებების შესახებ.

სამართლის სამაგისტრო საგანმანათლებლო პროგრამის მიზანია სტუდენტს გამოუმუშაოს:

• საკანონმდებლო ცვლილებების, სასამართლო პრაქტიკისა და მეცნიერული სიახლეებისადმი ყურადღების მიდევნების, აგრეთვე ცოდნის მუდმივი განახლების უნარი;

• სამართლის სფეროში მიღებული ცოდნის პრაქტიკულ საქმიანობაში ეფექტურად გამოყენების უნარი და სპეციალობით საქმიანობისათვის აუცილებელი სხვა უნარები;

• სამართლის სფეროში სამართლებრივი პრობლემების დამოუკიდებლად გადაჭრის, აგრეთვე, საკითხის შეფასების, ანალიზის, მსჯელობის, დასაბუთების, ამოცანების გადაწყვეტისთვის აუცილებელი უნარები;

• სამართლის სფეროში პრაქტიკული საქმიანობისას სამართლიანობის, ადამიანის უფლებების, სოციალური და დემოკრატიული ფასეულობების დაცვის უნარი;

• დამოუკიდებელი სამეცნიერო კვლევის უნარი;

• სამართლებრივ-ეთიკური ღირებულებების კონტექსტური ანალიზის უნარი;

• თანამედროვე სამართლებრივი აზროვნების უნარი.

სამართლის ფაკულტეტი დაკომპლექტებულია როგორც პრაქტიკოსი ლექტორებით, ისე მაღალკვალიფიციური  მეცნიერ-იურისტებით, რომელთა ლექციები მიმდინარეობს სწავლების თანამედროვე მეთოდების გამოყენებით.

სამართლის სამაგისტრო პროგრამა გამოირჩევა ექსკლუზიური და პრაქტიკული სასწავლო კურსების სიმრავლით:

• სადაზღვევო სამართალი: სადაზღვევო ხელშეკრულებათა შედგენის მეთოდიკა

• საჯარო და კერძო თანამშრომლობის სამართალი

• შედარებითი საარბიტრაჟო სამართალი და მედიაცია

• სისხლის სამართლის საქმეზე აღკვეთის ღონისძიების გამოყენების დასაბუთება

• ჯანმრთელობის დაცვის სამართალი

• გარემოს დაცვის სამართალი

• კრიპტოვალუტის სამართალი

• სოციალური მედიის სამართალი

• დანაშაული და მედია

• პრივატიზაციის სამართალი

• შედარებითი სამართალი

• რთული შემთხვევების კვალიფიკაცია სასამართლო პრაქტიკაში

• სახელმწიფოს ტერიტორიული მოწყობა, ტერიტორიული კონფლიქტები და საქართველო

ზოგიერთი საგანი არის სამკრედიტიანი და ნახევარ სემესტრში მთავრდება. ეს სტუდენტებს საშუალებას აძლევს სემესტრის განმავლობაში ბევრი ისეთი საგანი გაიარონ, რაც აინტერესებთ და პრაქტიკაში გამოადგებათ.

ინტერნაციონალიზაციის თვალსაზრისით პროგრამაში ჩართულია ინგლისურენოვანი სასწავლო კურსები. ზოგიერთი მათგანის განმახორციელებელი უცხოელი პროფესორია.

 სამართლის სამაგისტრო პროგრამის მნიშვნელოვანი ნაწილია კვლევის კომპონენტი - სამაგისტრო ნაშრომი.

ფაკულტეტი აქვეყნებს საუკეთესო სამაგისტრო ნაშრომებს. ამით ხელს უწყობს სტუდენტთა სამეცნიერო კვლევებში ჩაბმას, სამეცნიერო მუშაობის წახალისებას და  სამომავლოდ კვალიფიციური პედაგოგების მომზადებას.

სამართლის სამაგისტრო პროგრამა